ఈ రోజుల్లో మరి చిన్న వయసు నుండే స్మోక్ చేయడం అలవాటు చేసేసుకుంటున్నారు నేటి యువత..దానివలన అనేక రకాల పరిణామాలు ఎదుర్కొకా తప్పదు.అందులో భాగం గా ఇప్పుడు కొన్ని విషయాలు తెలుసుకుందాం…మీ శృంగార జీవితం తృప్తికరంగాలేదా ? మీకు స్మోకింగ్ చేసే అలవాటు ఉందా? వీటికి మీ సమాధానం అవును అయితే తప్పకుండా వాటికి పరిష్కారం మీ చేతుల్లోనే ఉంది.
నత్తనడక లా సాగుతున్న మీ శృంగార జీవితాన్ని మళ్లీ రేసు గుర్రంలా పరిగెత్తించాలి అంటే సిగరెట్లు కాల్చడం మానేయాలి. ఆమ్మో అది అసంభవం అంటారా..ఐతే ఇక మీ శృంగార జీవితం మీద ఆశ వదులుకోమని చెప్పక తప్పదు. ఎందుకంటే సిగరెట్లు కాల్చడం వలన మీ లైంగిక సామర్థ్యం బాగా తగ్గిపోతుందని నిపుణులు హెచ్చరిస్తున్నారు. శరీరంలోని నికోటిన్ కారణముగా అంగం సరిగ్గా స్తంభించకపోవడం, అంగం కుంచించుకుపోయి పరిమాణం తగ్గడం వంటి వాటికి కారణమవుతుందని ఇటీవల జరిపిన కొన్ని పరిశోధనల్లో తేలింది.
అంగం బాగా గట్టిపడాలంటే రక్త సరఫరా సక్రమం గా జరగాలి. అప్పుడే మీరు శృంగారం లో బాగా అనుభూతి పొందుతారు. కానీ పొగతాగే వారి రక్త నాళాల్లో ఉండే రసాయనాలు అంగం పై చెడు ప్రభావం చూపుతాయి. అంగ స్తంభన సమస్య కూడా ఏర్పడుతుంది. పొగ తాగే అలవాటున్న వారిలో పిల్లలు కలగకపోవడం వంటి సమస్యలు కూడా ఎక్కువగా ఉంటున్నట్లు నిపుణులు తెలియచేస్తున్నారు. పొగతాగే అలవాటు ఉంటే 20, 30 ఏళ్లకే శృంగారం పట్ల ఆసక్తి తగ్గిపోతుందంటున్నారు.
కాబట్టి నాలుగు గోడల మధ్య మీ భాగస్వామి తో స్వర్గం చూడాలంటే, పొగ తాగే అలవాటు వదులుకుని, రోజూ వ్యాయామం చేస్తే మంచిదని వైద్య నిపుణులు తెలియచేస్తున్నారు. శృంగార జీవితం చక్కగా అనుభవించాలన్న ,చక్కని సంతానం కలగాలన్న ఈ అలవాటు మనుకోక తప్పదు.