ఇండియాలో భాగమైన అక్సాయ్ చిన్ మరియు సియాచిన్ గ్లేసియర్ గురించి మరియు వాటివల్ల ఇండియా- చైనా మధ్య ఉన్న విభేదాల గురించి తెలిసినదే. అయితే తాజాగా అక్సాయ్ చిన్ ప్రాంతాన్ని చైనాలో ఉన్నట్టుగా వికీపీడియా చూపించడంతో భారత ప్రభుత్వం వికీపీడియా పై మండిపడి వెంటనే ఆ మ్యాప్ ను తొలగించాలని వికీపీడియాను హెచ్చరించింది. ఈ విషయమై భారతీయ ఎలక్ట్రానిక్స్ అండ్ ఇన్ఫర్మేషన్ టెక్నాలజీ మంత్రిత్వ శాఖ కార్యదర్శి అజయ్ స్వాహ్నీ నవంబర్ 27వ తేదీన భారత్ తరుపున వికీపీడియాకు నోటీసులు పంపించారు.
అక్సాయ్ చిన్ ఎప్పటికి భారత్ లోని ప్రాంతమేనని చైనా కి ఇందులో ఎటువంటి సంబంధము ఉండబోదని, భారత సార్వభౌమ అధికారాన్ని మరియు ఇండియా పరిధిలోని ప్రాంతాలను ప్రశ్నిస్తే, చూస్తూ ఊరుకోమని ఆ నోటిసులలో హెచ్చరించారు. వెంటనే ఆ మ్యాప్ ను డిలీట్ చెయ్యకపోతే ఐటీ చట్టం సెక్షన్ 59 A క్రింద వికీపీడియాపై కఠిన చర్యలు తీసుకుంటామని హెచ్చరించారు. కానీ ఇక్కడ గమనించవలసిన విషయం ఏమనగా ఈ విషయంపై వికీపీడియా ఇంకా స్పందించలేదు.
