Delta virus: ఇండియన్ డెల్టా (B16172) వేరియంట్… ఆల్ఫా వేరియంట్ మరియు ఇతర కరోనా వైరస్ రకాలతో పోలిస్తే అధికంగా వ్యాపించే శక్తి ని కలిగి ఉంటుంది అన్న సంగతి తెలిసిందే. దీంతో డెల్టా వేరియంట్ వల్ల పొంచి ఉన్న ప్రమాదం దృష్ట్యా, కోవిడ్ టీకాలు అందించే రక్షణపై అనేక సందేహాలు తలెత్తాయి.
.ఆ అనుమానాలను, సందేహాలకి చెక్ పెడుతూ ‘ది లాన్సెట్ జర్నల్’ లో ప్రచురితమైన ఒక అధ్యయనం ప్రకారం, ఫైజర్ మరియు ఆస్ట్రాజెనెకా వ్యాక్సిన్లు భారతదేశంలో కనుగొనబడిన డెల్టా వేరియంట్కు వ్యతిరేకంగా మంచి రక్షణను అందిస్తున్నాయటా
కోవిడ్ సంక్రమణకు సంబంధించిన 19,000 కేసులను విశ్లేషించిన తరువాత ఈ అధ్యయనాన్ని పబ్లిక్ హెల్త్ ఇంగ్లాండ్ (పిహెచ్ఇ) నిర్వహించింది. ఇందులో భాగంగా 300 మందికి పైగా సబ్జెక్టులను ఆసుపత్రిలో చేర్పించారు.
ఈ పరిశోధన ప్రకారం, రెండు వ్యాక్సిన్ మోతాదుల తర్వాత డెల్టా వేరియంట్ నుండి వ్యతిరేకంగా ఫైజర్ 79 శాతం రక్షణను అందిస్తుంది, ఆల్ఫా వేరియంట్ నుండి ఇది 93 శాతం రక్షణను అందిస్తుంది.
ఇతర వ్యాక్సిన్ ఆస్ట్రాజెనెకాకు చెందిన కోవిషీల్డ్ వంటి వ్యాక్సిన్ విషయానికి వస్తే ఇది రెండు మోతాదుల వ్యాక్సిన్ తీసుకున్న తర్వాత వరుసగా వైరస్ యొక్క డెల్టా మరియు ఆల్ఫా వేరియంట్కు వ్యతిరేకంగా 60 శాతం మరియు 73 శాతం రక్షణను అందిస్తుంది.
రెండు వేరియంట్ల మధ్య పోలికను చూస్తే, ఆల్ఫా వేరియంట్తో పోల్చితే, రోగులు ఆసుపత్రిలో చేరే ప్రమాదం డెల్టా వేరియంట్లో రెట్టింపు ఉంటుందని శాస్త్రవేత్తలు తెలిపారు.
టీకా మోతాదు రెండు రకాల వైరస్ లను తగ్గించడంలో మంచి ప్రభావాన్ని అందిస్తాయని, దీంతో ఆసుపత్రిలో చేరే అవకాశాలు తక్కువ ఉన్నాయని వైద్య నిపుణులు తెలిపారు.