21.2 C
Hyderabad
December 8, 2022
NewsOrbit
న్యూస్ ప్ర‌పంచం రాజ‌కీయాలు

Rishi Sunak: బ్రిటన్ ప్రధానిగా రిషి సునాక్ ఎన్నికకు మార్గం సుగమం .. పోటీ నుండి తప్పుకున్న మాజీ ప్రధాని బోరిస్ జాన్సన్

Rishi Sunak బ్రిటన్ లో నవ యుగం ఆరంభం
Share

Rishi Sunak:  భారత సంతతికి చెందిన బ్రిటన్ కన్జర్వేటివ్ నేత, మాజీ ఆర్ధిక మంత్రి రిషి సునాక్ ప్రధాని ఎన్నికకు మార్గం సుగమం అయ్యింది. ఇప్పటికే ఆయనకు 150 మందికిపైగా ఎంపీలు మద్దతుతో రేసులో ముందంజలో ఉండటంతో పాటు మాజీ ప్రధాని బోరిస్ జాన్సన్ పోటీ నుండి వైదొలుగుతున్నట్లు ప్రకటించడంతో రిషి సునక్ ఎన్నిక దాదాపు ఖయమైనట్లేనని సమాచారం. ప్రస్తుతం పెన్నీ మెర్డాంట్ మాత్రమే సునక్ తో పాటు ప్రధాని రేసులో ఉన్నప్పటికీ ఆమె కనీసం వంద మంది ఎంపీల మద్దతును కూడగట్టుకోలేకపోయారని తెలుస్తొంది. పెన్నీ మొర్డాంట్ కు కేవలం 29 మంది ఎంపీల మద్దతే ఉన్నట్లు సమాచారం. ఈ మధ్యాహాన్నికి ఆమె వంద మంది ఎంపీల మద్దతు ఉందని నిరూపించలేకపోతే 142 మంది సభ్యుల మద్దతు ఉన్న రిషి సునాక్ ప్రధానిగా ఎకగ్రీవంగా ఎన్నిక అవుతారు. బ్రిటన్ ప్రధాని బాధ్యతలు చేపట్టే తొలి భారత సంతతి వ్యక్తిగా సరికొత్త చరిత్ర సృష్టిస్తారు.

Rishi Sunak బ్రిటన్ లో నవ యుగం ఆరంభం
Rishi Sunak:

 

బోరిస్ రాజీనామాతో ప్రధానిగా ఎన్నికైన లిజ్ ట్రస్ 45 రోజుల వ్యవధిలోనే పదవి నుండి తప్పుకున్నారు. దీంతో బ్రిటన్ లో రాజకీయ సంక్షోభం నెలకొంది. లిజ్ ట్రస్ రాజీనామా చేయడంతో ప్రధాని పదవికి బోరిస్ జాన్సన్ మరో సారి పోటీకి రెడి అయ్యారు. విహార యాత్రలో ఉన్న బోరిస్ హుటాహుటిన లండన్ కు చేరుకుని పావులు కదిపారు. దాదాపు వంద మంది కన్జర్వేటివ్ పార్టీ ఎంపీలు ఆయనకు మద్దతు తెలిపినట్లు సన్నిహిత వర్గాలు పేర్కొన్నారు. దాంతో పోటీ లేకుండా ప్రధాని అయ్యేందుకు ఆయన రిషి సునాక్, పెన్సీ మెర్డాంట్ తో చర్చలు జరిపారు. అయితే తనకు 142 మంది ఎంపీల మద్దతు ఉందనీ, పోటీ నుండి తప్పుకునేది లేదని రిషి స్పష్టం చేశారు. పోటీ జరిగితే గెలుపు అవకాశాలు ఉండవని భావించిన బోరిస్.. ప్రధాని రేసు నుండి తప్పుకుంటున్నట్లు ప్రకటించారు.

మరో పక్క రిషి సునాక్ పార్టీకి, దేశానికి సరైన వ్యక్తి అని మాజీ హోంశాఖ మంత్రి సుయెల్లా బ్రేవర్మన్ పేర్కొన్నారు. ఆయనకు మద్దతు ఇస్తున్నట్లు ప్రకటించారు. మొదటి నుండి బొరిస్ కు మద్దతుగా ఉన్న సుయెల్లా దేశంలో పరిస్థితులపై ఆందోళన వ్యక్తం చేశారు. ఈ పరిస్థితులు మాారాలంటే పార్టీలో మార్పు రావాలని, ఇందుకు సరైన నాయకత్వం అవసరమని ఆమె అభిప్రాయపడ్డారు. ఇటువంటి సమయంలో రిషి సునాక్ సరైన నాయకుడని ఆమె స్పష్టం చేశారు.

భారత ఐటీ దిగ్గజ సంస్థ ఇన్పోసిస్ సహ వ్యవస్థాపకుడు నారాయణ మూర్తి అల్లుడు రిషి సునాక్ అనేది అందరికీ తెలిసిందే. ఆయన కుమార్తె అక్షతా మూర్తి నే రిషి సునాక్ వివాహం చేసుకున్నారు. వీరికి ఇద్దరు పిల్లలు ఉన్నారు.


Share

Related posts

కరోనాతో టెక్కీలు లేని బెంగళూరు.. కాని వాటికి భలే డిమాండ్!

Muraliak

CBN సిసలైన రాజకీయం : జగన్ పేషీలో భూకంపం తెప్పించాడు ..

somaraju sharma

బిగ్ బాస్ 4 : మోనాల్ గురించి నిజం చెప్పిన అభిజిత్..! ఆమె వల్లే ఇదంతా అని వెల్లడి

arun kanna