ప్రపంచ వ్యాప్తంగా ఎన్నో సంప్రదాయాలు ఉన్నాయి. వాటిని ఇప్పటికీ అందరూ ఎంతో పద్దతిగా ఫాలో అవుతుంటారు. కొన్ని సంప్రదాయాలు మరుగున పడిపోయినా మిగిలిన వాటికి ఆదరణ అలాగే ఉంది. ఇక ప్రపంచవ్యాప్తంగా వింత వింత సంప్రదాయాల గురించి మనం వింటూనే ఉంటాం.
అయితే అపరిచిత వ్యక్తులతో మాత్రమే శృంగారం చేయమనే సంప్రదాయం గురించి ఎప్పుడైనా విన్నారా? సంప్రదాయాలకు పుట్టినిల్లు అయిన ఇండోనేషియాలోనే ఇది అమల్లో ఉంది. 17 వేల ద్వీపాలతో అతిపెద్ద ద్వీప దేశంగా ఇండోనేషియాకు పేరుంది. ఇక్కడ ఒక్కో దీవిలో ఒక్కో పురాతన ఆచారాన్ని ఇక్కడి తెగల వారు ఆచరిస్తుంటారు. అలాగే పర్యాటకులను బాగా ఆకర్షించే జావా ద్వీపంలో కేముకస్ అనే పర్వతం ఉంది. దీనికి శృంగార పర్వతం అనే పేరు కూడా ఉంది. ఇక్కడ ప్రతీ సంవత్సరం ఒక వింత వేడుకను ఘనంగా నిర్వహిస్తారు.
ఈ కేముకస్ పర్వతంపై ప్రతీ ఏటా పోన్ ఉత్సవం జరుగుతుంది. దీనికి చరిత్ర కూడా ఉంది. ఇక్కడి పురాతన రాజు పిన్నితో అక్రమ సంబంధం పెట్టుకున్నాడని చంపి పాతిపెట్టారు. ఆ తర్వాత మందిరం కట్టారు. ఈ వేడుక వెనుక ఒక ఆచారం ఉంది. ఈ వేడుకలో పాల్గొనే వారు పెళ్ళైన జంట ఉంటే కచ్చితంగా అపరిచిత వ్యక్తులతోనే శృంగారంలో పాల్గొనాలి. ఇది అదృష్టాన్ని ఇస్తుందని అక్కడి ప్రజలు నమ్ముతారు. అయితే ఒక్కసారి కాదు.. ఈ శృంగారం మొత్తంగా 7 సార్లు చేయాలి ఒక ఏడాదిలో. వేడుక జరిగిన ప్రతి 35 రోజులకు ఒకసారి ఈ జంట అక్కడ కలుసుకుని శృంగారం చేయాలి. అప్పుడే అదృష్టం వరిస్తుందని అక్కడి వారి నమ్మకం. ఈ ఆచారంపై వివాదాలు నెలకొన్నా కానీ ప్రతీ ఏడాది తప్పకుండ నిర్వహిస్తున్నారు.