పూరి జగన్నాధ్ హీరోయిన్స్ ఇండస్ట్రీకొచ్చి సక్సస్ కాని వాళ్ళు చాలా తక్కువమందే ఉంటారు. తన సినిమాతో హీరోయిన్ గా ఎంట్రీ ఇస్తే ఖచ్చితంగా సెటిలవ్వాల్సిందే. అంతగా పాపులారిటీని క్రేజ్ వచ్చేలా స్క్రీన్ మీద ప్రజెంట్ చేస్తాడు పూరి. ఒక నిధీ అగర్వాల్, నభా నటేష్ లాంటి ఫ్లాపుల్లో హీరోయిన్స్ అయినా సక్సస్ ట్రాక్ ఎక్కిస్తాడు. కాని ఎందుకనో అదా శర్మ మాత్రం టాలీవుడ్ లో నిలబడలేకపోయింది. యంగ్ హీరో నితిన్ నటించిన హార్ట్ ఎటాక్ సినిమాతో పూరి అదా శర్మ ని టాలీవుడ్ కి తీసుకు వచ్చాడు.
ఈ బ్యూటీకి పర్ఫార్మెన్స్ పరంగా మంచి మార్కులే పడ్డాయి. గ్లామర్ ఎక్స్ఫోజింగ్ విషయంలో ఆంక్షలు లేవు. కాని వరసగా సినిమాలలో అవకాశాలే దక్కలేదు. హార్ట్ ఎటాక్ అనుకున్నంతగా కమర్షియల్ సక్సస్ కాకపోవడం కారణమా లేదా అదా లో లోపముందా అన్నది క్లారిటీ లేదు గాని..టాలీవుడ్ లో కొంతకాలం సక్సస్ ఫుల్ హీరోయిన్ గా కొనసాగుతుందనుకుంటే సర్ధేసుకొని వెళ్ళిపోయింది.
అప్పటికీ బాగానే ప్రయత్నాలు చేసింది. అడవి శేష్ హీరోగా వచ్చిన క్షణం సినిమాలో హీరోయిన్ గా తర్వాత అల్లు అర్జున్ సన్నాఫ్ సత్యమూర్తి, సుబ్రమణ్యం ఫర్ సేల్ సినిమాలలో సెకండ్ లీడ్ ..అలాగే గరం అనే సినిమాలో హీరోయిన్ గా చేసింది. కాని లక్కీ హీరోయిన్ అన్న పేరు గాని తను హీరోయిన్ గా నటించిన సినిమాలు బాక్సాఫీస్ వద్ద భారీ సక్సస్ లు అందుకుంది గాని లేకపోవడంతో టాలీవుడ్ లో నెమ్మదిగా అవకాశాలు తగ్గిపోయాయి.
ఇక హిందీలోను అదా సినిమాలు చేసింది. చెప్పాలంటే ముందు బాలీవుడ్ లోనే అడుగుపెట్టింది. అక్కడ చేసిన సినిమాలు హిట్ అయినప్పటికి ఎందుకనో మిగతా హీరోయిన్స్ దెబ్బకి తట్టుకోలేకపోయింది. అక్కడ కూడా నాలుగు సినిమాలు చేసి మళ్ళీ అవకాశాల కోసం ఎదురు చూస్తుంది. ఇక ఒక తమిళ సినిమాలో గెస్ట్ రోల్ అలాగే ఒక కన్నడ సినిమా చేసిన ఈ బ్యూటీ ఈ ఇండస్ట్రీలలోను సక్సస్ కాలేపోయింది. కాని సోషల్ మీడియాలో మాత్రం ఎప్పుడు హాట్ హాట్ ఫోటోలతో డాన్స్ వీడియోలతో ఫ్యాన్స్ ని బాగా పోగేసుకుంది.