నిరుద్యోగులకు ఇంటిలిజెన్స్ బ్యూరో నుంచి భారీ నోటిఫికేషన్ విడుదలైంది.. భారత ప్రభుత్వ హోమ్ మంత్రిత్వ శాఖకు చెందిన ఇంటెలిజెన్స్ బ్యూరో (ఐబి) గ్రూప్- సి (నాన్ గెజిటెడ్, నాన్ మినిస్టీరియల్) చెందిన 2000 పోస్టులు భర్తీ చేయడానికి దరఖాస్తులు ఆహ్వానిస్తుంది..! ఏదైనా డిగ్రీ, తత్సమాన అర్హత ఉన్నవారు ఈ పోస్టులను ఆన్లైన్ ద్వారా దరఖాస్తు చేసుకోవచ్చు. ఈ పోస్టుల ఎంపికను టైర్-1,2,3 ల ద్వారా నిర్వహిస్తారు. పూర్తి సమాచారం ఇలా..
మొత్తం ఖాళీలు : 2000
ఖాళీలు ఉన్న విభాగాలు : అసిస్టెంట్ సెంట్రల్ ఇంటెలిజెన్స్ ఆఫీసర్ (ఏసిఐఓ), ఎగ్జిక్యూటివ్.
అర్హతలు : ఏదైనా డిగ్రీ
వయసు : 18-27 ఏళ్ల మధ్య ఉండాలి.
ఓబీసీలకు మూడేళ్లు , ఎస్సీ, ఎస్టీలకు ఐదేళ్లు గరిష్ట వయసులో సడలింపు ఉంటుంది.
పరీక్షా విధానం :
ఈ పరీక్షను టైర్-1, టైర్-2, టైర్-3 లలో నిర్వహిస్తారు. టైర్-1 ను ఆన్లైన్ పద్ధతిలో 100 మార్కులకు ఆబ్జెక్టివ్ పరీక్షలు ప్రశ్నలు ఇస్తారు. దీనిని 5 విభాగాలుగా విభజించి ప్రతి విభాగం నుంచి 20 ప్రశ్నలు చొప్పున ఇస్తారు. పరీక్షా సమయం ఒక గంట. రుణాత్మక మార్కులు ఉంటాయి. ప్రతి తప్పు సమాధానానికి 0.25 చొప్పున కోత విధిస్తారు. టైర్-2 ఇది డిస్క్రిప్టివ్ పద్ధతిలో నిర్వహిస్తారు. ఇందులో మొత్తం 50 మార్కులకు గాను 30 మార్కులకు ఎస్సే రైటింగ్, 20 మార్కులకు ఇంగ్లీష్ కాంప్రహెన్షన్ అండ్ ప్యాసేజ్ రైటింగ్ ఉంటుంది. దీనికి ఈ పరీక్షకు సమయం ఒక గంట. టైర్-3 లో ఇంటర్వ్యూ ఉంటుంది. దీనిని ని వంద మార్కులకు నిర్వహిస్తారు.
ఎంపిక విధానం: రాత పరీక్ష, ఇంటర్వ్యూ ఆధారంగా.
దరఖాస్తులకు చివరి తేదీ: 9/1/2021.
వెబ్‌సైట్‌: https://www.mha.gov.in/.
