అమ్మాయిలు చదువుల్లో రాణిస్తారు.. ఇంకా పై చదువులు చదువుకొని రాణించాలని ఎన్నో కలలు కంటారు .. ఏదో సాధించాలనే తపన పడుతుంటారు.. చాలామంది ఇంట్లో ఆర్థిక పరిస్థితులు అనుకూలించవు.. ఈ తరుణంలో దేశంలో ఎంతమంది అమ్మాయిలు అనుకున్నది సాధించలేకపోతున్నారు.. అలాంటి వారి కోసం “ఇంటర్న్‌శాల కెరియర్ స్కాలర్ షిప్ ఫర్ గర్ల్స్ ” అండగా నిలుస్తుంది..! ఐసీఎస్‌జీ (ICSG) – 2021 ప్రకటన విడుదల చేసింది.. ఇందుకు 17-23 సంవత్సరాలోపు అమ్మాయిల నుంచి దరఖాస్తులు ఆహ్వానిస్తోంది..! అవరోధాలను ఎదుర్కొని తమకు నచ్చిన కెరీరును ఎంచుకుని, రాణించాలి అనుకునే అమ్మాయిలకు ఈ స్కాలర్ షిప్స్ అందిస్తుంది.. ఈ స్కాలర్ షిప్స్ కు పరిమితి లేదు.. ప్రతిభ ఉండి, అర్హులని భావించిన వారందరికీ ఇస్తారు.. ఈ నోటిఫికేషన్ కి సంబంధించిన పూర్తి వివరాలు ఇలా ..
ఇంటర్న్షిప్, శిక్షణల వేదిక ఇంటర్న్‌శాల ప్రతి సంవత్సరం స్కాలర్షిప్ ఫర్ గర్ల్స్ పేరుతో అమ్మాయిలకు ఉపకార వేతనాలను అందిస్తుంది. అవరోధాలు ఎదుర్కొని తమకు నచ్చిన ఎంచుకొని రాణించాలనుకునే అమ్మాయిలకు దీన్ని అందజేస్తారు. విద్యాసంబంధ, క్రీడలు, ఆర్ట్స్, ఇతర ఏ రంగాల వారైనా దీనికి దరఖాస్తు చేసుకోవచ్చు.
స్కాలర్షిప్ మొత్తం : రూ. 25,000/-.
అర్హతలు : 31 డిసెంబర్ 2020 నాటికి 17 నుంచి 23 మధ్య గల అమ్మాయిలు దరఖాస్తు చేసుకోవడానికి అర్హులు.
ఎంపిక విధానం :
నాలుగు అంశాల ఆధారంగా ఎంపిక చేస్తారు. వారు ఎదురుకొన్న సవాళ్లు( సామజిక, ఆర్ధిక, శారీరక, ఇంకా ఏవైనా), సాధించిన విజయాలు (ఎంచుకున్న రంగం లో గుర్తించ దగిన విజయాలు ఏవైనా), ఉదేశం (ఈ స్కాలర్ షిప్ మొత్తాన్ని ఎలా ఉపయోగిస్తారనేది), అవసరాల ఆధారంగా అభ్యర్థులను ఎంపిక చేస్తారు. ఇలా ఎంపిక చేసిన వారికీ ఇంటర్వ్యూ నిర్వహిస్తారు. ముందుగా అవసరమైన పత్రాల పరిశీలన చేస్తారు. ఆ తర్వాత టెలిఫోనిక్ ఇంటర్వ్యూ నిర్వహిస్తారు. రిఫరీ చెక్ ఫారంలో రిఫరీని తెలపవలసి ఉంటుంది. ఆ పేర్కొన్న వారిని వెరిఫికేషన్ నిమిత్తం సంప్రదిస్తారు. తర్వాత తుది ఎంపిక చేసి స్కాలర్షిప్ అందజేస్తారు. ఈ స్కాలర్ షిప్ లకు పరిమిఠీ లేదు.
దరఖాస్తు విధానం : ఆన్ లైన్ ద్వారా
దరఖాస్తులకు చివరి తేదీ : 15/1/2021.
వెబ్ సైట్ : https://www.buddy4study.com
