Internet Desk : భారత దేశానికి వెన్నెముక వ్యవసాయం..! దేశంలో చాల మంది ప్రజలు వ్యవసాయం మీదనే ఆధారపడి జీవిస్తున్నారు.. ఈ నేపథ్యంలోనే వ్యవసాయ యంత్రాలు, పనిముట్లు పుట్టుకొస్తున్నాయి.. వినియోగ దారులు తమకు నచ్చినట్లు తమ వాహనాలను మాఢీ ఫై చేసుకుంటున్నారు..! తాజాగా ఓ రైతు తయారు చేయించుకున్న టైర్లు లేని ట్రాక్టర్ అందరిని ఆకట్టుకొంటుంది..!!
ఖమ్మం రూరల్ మండలం మద్దుపల్లి వైపు నుంచి హైదరాబాద్ వెళ్లే రహదారి పై ఒక వ్యక్తి టైర్లు లేని ట్రాక్టర్ ను నడుపుకుంటూ తీసుకెళ్లారు. ఈ టైర్లు లేని ట్రాక్టర్ ను చూసేందుకు గ్రామస్తులంతా ఎగబడ్డారు. ఇప్పటివరకు ఇలాంటి ట్రాక్టర్ ను చూడలేదని అంటున్నారు. ఈ ట్రాక్టర్ తో పత్తి, మిరప, మొక్కజొన్న చేలల్లో పాట్లు వేస్తే చెట్లు విరగకుండా ఉంటాయని, రైతులకు ఎంతగానో ఉపయోగ పడుతుందని ట్రాక్టర్ యజమాని తెలిపారు. ఈ ట్రాక్టర్ ను ప్రత్యకంగా కోదాడలో తయారు చేయించుకున్నని, దీని కోసం రూ. 70వేలు ఖర్చు అయిందని అన్నారు. ఈ ట్రాక్టర్ తో చెట్లు కి ఎలాంటి నష్టం కలగకుండా ఉంటుందని తెలిపారు. అంతేకాకుండా పంటకి అయ్యే ఖర్చుకూడా తక్కువ అవుతుందని అన్నారు.