Intinti Gruhalakshmi: పరంధామయ్య డాన్స్ చేసిన వీడియో చూసి తులసి వాళ్ళంతా నవ్వుకుంటూ ఉంటారు. తాతయ్య ఈ వీడియో క్రెడిట్ అంతా నాదే అని దివ్య అంటుంది. నా కూతురు బంగారం అని తులసి అంటుంది.. మరి నీ కొడుకులు అలా కాదా అని అంటాడు వాళ్ళ మావయ్య. వాళ్ళు చాలా మంచి వాళ్ళు నా చిన్న కొడుకు ప్రేమ పెద్ద మ్యూజిక్ డైరెక్టర్ అని అంటుంది తులసి.. ఇక అభి అనగానే.. కోపంతో రగిలిపోతూ వచ్చినా అభి పెద్ద చవట దద్దమ్మ అని అంటాడు.. ఆ మాటలు విన్న ఇంట్లో వాళ్ళు అందరూ షాక్ అవుతారు పరంధామయ్య ఏం మాట్లాడుతున్నావ్ రా అభి అని అంటాడు..
అభి ఆస్తి దక్కలేదన్న బాధతో వాళ్ళ అమ్మ మీద కోపంతో తులసి దగ్గరకు వస్తాడు. అభి తనకున్న కోపాన్ని మాటల తూటాలతో తులసి మనసును గాయపరిస్తాడు. నాన్న ఇన్ని రోజులు నిన్ను వదిలేశాడని నేను చాలా సార్లు బాధ పడ్డాను. కానీ డాడీ నిన్ను వదిలేసి చాలా మంచి పని చేశారు. ఇక జీవితంలో నేను ఈ ఇంటి గడప తొక్కను. నువ్వు నాకు చాలా మంచి గుణపాఠం చెప్పావు అని తన నోటికి ఇష్టం వచ్చినట్టు మాట్లాడతాడు వాళ్ళ అమ్మతో వాళ్ల తాతయ్య నానమ్మ ఎంతగా వారిస్తున్నా తన మనసులోని మాటను బయట పెడతాడు.
అభి కోపంగా వాళ్ళ నాన్న దగ్గరకు వెళతాడు మీరు చాలా మంచి పని చేశారు డాడ్ అమ్మను వదిలేసి అని అంటాడు. మీరు అమ్మను ఎందుకు వదిలించుకున్నారో ఈ రోజు నాకు అర్థం అయింది అని అంటాడు. కోపంలో ఉన్న అభిని ఇంకా రెచ్చ గొడుతుంది లాస్య. నీకు ఆస్తి వచ్చి ఉంటే చాలా బాగుండేది. మీ నాన్న ఎక్కడ కంపెనీ పెట్టి బాగు పడిపోతారు. నువ్వు మాకు ఎక్కడ సహాయం చేస్తావు అని తులసి ఆస్తి నీకు రాకుండా అడ్డుపడింది అని అంటుంది లాస్య. ఇప్పుడు ఏమైంది ఆంటీ అంకిత ను ఒప్పించి బిజినెస్ కి కావాల్సిన డబ్బులు నేను ఇస్తాను అని చెబుతాడు. ఇప్పుడే వెళ్లి అంకిత ను ఒప్పిస్తాను అని అంటాడు అభి.
తులసి అంకిత ఇద్దరు మాట్లాడుకుంటూ బజారులో నడుచుకుంటూ వెళుతూ ఉంటారు. అంతలో శృతి చెత్తబుట్ట తీసుకొని బయటకు వస్తుంది. ఆ దృశ్యాన్ని తులసి, అంకిత చూస్తారు. అంతలో ఆ ఇంట్లో నుంచి శృతి త్వరగా రా బట్టలు అరేయలని కేక వినిపిస్తుంది.. దాంతో శృతి ఆ ఇంట్లో పనిచేస్తుందని తులసి, అంకిత తెలుసుకుంటారు. శృతి వాళ్ళని చూసి కన్నీళ్లు పెట్టుకుంది..