Salaar : సలార్.. డార్లింగ్ ప్రభాస్ నటిస్తున్న భారీ యాక్షన్ ఎంటర్టైనర్. కేజీఎఫ్ చిత్రాల దర్శకుడు ప్రశాంత్ నీల్ దర్శకత్వంలో తెరకెక్కుతున్న ఈ సినిమా ప్రస్తుతం షూటింగ్ దశలో ఉండగా కరోనా సెకండ్ వేవ్ కారణంగా బ్రేక్ పడింది. ఇక ప్రభాస్ – ప్రశాంత్ నీల్ కాంబోలో వస్తున్న సలార్ పాన్ ఇండియా స్థాయిలో రూపొందనుండటం ప్రభాస్కి పాన్ ఇండియన్ స్టార్ ఇమేజ్ ఉండటంతో సినిమా మీద అందరూ ఎంతో ఎక్సయిటెడ్ గా ఉన్నారు. ప్రశాంత్ నీల్ కేజీఎఫ్ 1, 2 సినిమాలతో ప్రపంచ వ్యాప్తంగా గుర్తింపు రావడం కూడా ఇందుకు కారణం.
ఇక ఈ సినిమాలో ప్రభాస్కి జంటగా శృతి హాసన్ హీరోయిన్గా నటిస్తోంది. మూడేళ్ళ క్రితం పవర్ స్టార్ పవన్ కళ్యాణ్తో కాటమరాయుడు సినిమా చేసిన శృతిహాసన్ మళ్ళీ టాలీవుడ్లో సినిమా చేయలేదు. క్రాక్ సినిమాతోనే రీ ఎంట్రీ ఇచ్చి సాలీడ్ హిట్ అందుకొని ఫాంలోకి వచ్చింది. ఇక రీసెంట్గా వచ్చిన వకీల్ సాబ్ సినిమా కూడా శృతిహాసన్ పోషించిన గెస్ట్ రోల్కి మంచి పేరు తెచ్చింది. కాగా సలార్ సినిమాలో శృతిహాసన్ పోషించేది జర్నలిస్ట్ పాత్ర అని సమాచారం.
Salaar : సలార్ సినిమాని వచ్చే ఏడాది ఏప్రిల్ 14న భారీ స్థాయిలో ప్రపంచ వ్యాప్తంగా రిలీజ్ చేయబోతున్నారు.
కాగా ఈ పాత్ర ఒక రియల్ క్యారెక్టర్ ఇన్స్పిరేషన్తో డిజైన్ చేసిందని సమాచారం. ఇంతక ముందు శృతిహాసన్ కోలీవుడ్ సూపర్ హిట్ సిరీస్ సూర్య నటించిన సింగం-3 లో జర్నలిస్ట్ పాత్రలోనే చేసింది. ఇప్పుడు సలార్ సినిమాలో పోషించేది కూడా నిజంగా జర్నలిస్ట్ పాత్ర అయితే మాత్రం బాగా సూటవుతుందని చెప్పుకుంటున్నారు. చూడాలి మరి ఇది ఎంతవరకు నిజమో. కాగా సలార్ సినిమాని వచ్చే ఏడాది ఏప్రిల్ 14న భారీ స్థాయిలో ప్రపంచ వ్యాప్తంగా రిలీజ్ చేయబోతున్నారు.