ప్రస్తుతం ఐపీఎల్ ఫీవర్ నడుస్తోంది. శనివారం అట్టహాసంగా ఐపీఎల్ సందడి మొదలైంది. క్రికెట్ అభిమానులు మొబైల్స్ కు, టీవీలకు అతుక్కుపోతున్నారు. ఎక్కడ చూసినా ఐపీఎల్ గురించే చర్చ. దీన్నే క్యాష్ చేసుకున్న జియో.. క్రికెట్ అభిమానుల కోసం సరికొత్త యాప్ ను తీసుకొచ్చింది.
జియో క్రికెట్ ప్లేల ఎలాంగ్ అనే యాప్ ను విడుదల చేసింది జియో. కేవలం ఐపీఎల్ మ్యాచులు చూస్తూ కూర్చుంటారా? మ్యాచులు చూడటమే కాదు.. మీరు కూడా ఆడండి.. గెలవండి కూడా.. అనే క్యాప్షన్ తో వచ్చింది జియో క్రికెట్.
ఈ యాప్ లో స్కిల్ పెంచుకునేందుకు ప్రశ్నలు కూడా ఉంటాయి. ఎంటర్ టైన్ మెంట్ ఫుల్లు ఇక. అలాగే, మ్యాచ్ కు ముందు ప్రశ్నలు, మ్యాచ్ ముగిశాక ప్రశలు, పోల్స్, క్విజ్ లు అన్నీ ఉంటాయి.
అలాగే లైవ్ మ్యాచ్ ల స్కోర్లు, మ్యాచ్ షెడ్యూల్, రిజల్ట్స్ అన్నీ ఈ యాప్ లో అందుబాటులో ఉంటాయి. ఇక.. ఈ యాప్ ను రోజూ ఓపెన్ చేసి డైలీ రివార్డ్స్ లో పాల్గొనవచ్చు. ప్రతి రోజూ బహుమతులు గెలుచుకోవచ్చు.
డైలీ చాలెంజెస్ ను పూర్తి చేస్తే స్పెషల్ గిఫ్టులు ఉంటాయి. సో.. ఏదో టైమ్ పాస్ కి ఐపీఎల్ మ్యాచులను చూడటం కాకుండా.. మ్యాచులను పూర్తిగా చూసి.. యాప్ లో ప్రతి రోజూ ఆ మ్యాచ్ కు సంబంధించిన ప్రశ్నలకు సమాధానం చెబితే చాలు.. ఎన్నో బహుమతులను గెలుచుకోవచ్చు. ఈ యాప్ గూగుల్, యాపిల్ ప్లే స్టోర్ లో అందుబాటులో ఉంది.
