IPL 2021 : ఆస్ట్రేలియా మాజీ కెప్టెన్ రికీ పాంటింగ్ క్రికెట్ ప్రస్థానం గురించి అందరికీ తెలిసిందే. ఆస్ట్రేలియా జట్టుకు రెండు వన్డే ప్రపంచ కప్ లు అందించిన ఘనత అతనిది. మైదానంలో ప్రత్యర్థి ఆటలగాళ్ళ పై దూకుడుగా విరుచుకుపడడం పాయింటింగ్ నైజం. అలాగే ప్రపంచ మేటి బ్యాట్స్మెన్ లలో ఒకటిగా గుర్తింపు తెచ్చుకున్న పాంటింగ్ ఢిల్లీ క్యాపిటల్స్ జట్టుకు ప్రస్తుతం ప్రధాన కోచ్ గా వ్యవహరిస్తున్న విషయం కూడా తెలిసిందే.
అయితే అదే జట్టులో ఉన్న భారత యువ ఓపెనర్ పృథ్వీ షా గత సీజన్ మొత్తం విఫలమయ్యాడు. వరుసగా ఐదు మ్యాచ్లలో 20 కంటే తక్కువ పరుగులు చేసిన అతనికి, పాంటింగ్ కి మధ్య జరిగిన డిస్కషన్ గురించి పాంటింగ్ పంచుకున్నాడు. పృథ్వీ షా లో చాలా టాలెంటు ఉంది అని తను నమ్మే వాడిని అని చెప్పిన పాంటింగ్ షా మానసిక పరిస్థితి చిత్రంగా ఉండేది అని చెప్పాడు.
అతను బాగా ఆడుతున్నప్పుడు నెట్స్ స్లో చురుగ్గా ఉండే వాడిని… బాగా ప్రాక్టీస్ చేసేవాడిని కానీ సరిగ్గా బ్యాటింగ్ చేయని ఇన్నింగ్స్ తర్వాత మాత్రం అసలు సాధన చేసేవాడు కాదు అని చెప్పాడు. గత సీజన్లో 4 మ్యాచ్ లల్లో విఫలమైన పృథ్వీ షా ని పాంటింగ్ వెళ్ళి నెట్స్ లో శ్రమించమని చెబితే అతను రికీ పాంటింగ్ కళ్ళల్లోకి చూసి నేను ప్రాక్టీస్ చేయని మొహం మీదే చెప్పేశాడట. దీంతో విస్తుపోవడం పాంటింగ్ వంతు అయింది.
ఆ తర్వాత షా పైన జట్టునుండి వేటు పడిన విషయం తెలిసిందే. దిల్లీ గత సీజన్ లో ఫైనల్స్ కు వెళ్ళిన్నప్పటికీ పేలవ ఫామ్ కారణంగా పృథ్వీ షా జట్టులో స్థానం కోల్పోయాడు. అయితే ఈ మధ్య దేశవాళీ క్రికెట్లో అసాధారణ ఆటతీరు ప్రదర్శించిన షా మళ్లీ ఢిల్లీ జట్టులో కీలక సభ్యుడిగా కొనసాగుతున్నాడు. పైగా కెప్టెన్ అయ్యర్ కూడా గాయం కారణంగా సీజన్ మొత్తానికి దూరం కావడంతో పృథ్వీ షా పై భారీ అంచనాలు నెలకొన్నాయి.
పాంటింగ్ కూడా మాట్లాడుతూ పృథ్వీ షా చాలా పెద్ద స్థాయికి వెళ్తాడని అతను సూపర్ స్టార్ ప్లేయర్ అవుతాడని చెప్పాడు. మరి ఈ సీజన్ లో శా ఎలాంటి పర్ఫార్మెన్స్ ఇస్తాడో అని క్రికెట్ విశ్లేషకులు, అభిమానులు ఎంతో ఆసక్తిగా ఎదురు చూస్తున్నారు.
Lok Sabha Elections 2024: ప్రధాని మోడీ వివాదాస్పద వ్యాఖ్యలు .. ఫిర్యాదులపై ఈసీ పరిశీలన..?