Akhil : టాలీవుడ్ సినిమా ఇండస్ట్రీలో ఇప్పుడు ట్రెండ్ మారుతోంది. బాహుబలి తర్వాత టాలీవుడ్ లో ఊహించని మార్పులు వచ్చాయి. టాలీవుడ్ స్టార్ హీరోలందరు ఫాన్ ఇండియా సినిమాలను చేసేందుకు రెడీ అవుతున్నారు. కెరీర్ లో ఇప్పటి వరకు ఓ భారీ కమర్షియల్ హిట్ పడని యంగ్ హీరోలు కూడా పాన్ ఇండియన్ సినిమాల మీదే ఫోకస్ పెడుతున్నారు. ఇక సీనియర్ స్టార్ హీరోలైతే మీడియం బడ్జెట్ సినిమాలు చేయడం లేదు. ఈ క్రమంలో అక్కినేని యంగ్ హీరో అఖిల్ కూడా ఇదే ప్లాన్స్ లో ఉన్నాడు. అఖిల్ ఇప్పటి వరకు నటించిన మూడు సినిమాలతో హిట్ ఒక్కటీ దక్కలేదు.
ప్రస్తుతం ఈ యంగ్ హీరో నటించిన మోస్ట్ ఎలిజిబుల్ బ్యాచ్లర్ సినిమా రిలీజ్ కి రెడీగా ఉంది. బొమ్మరిల్లు భాస్కర్ దర్శకత్వంలో తెరకెక్కిన దీనికి అల్లు అరవింద్ సమర్పకుడు. జీఏ2 బ్యానర్ నిర్మిస్తోంది. పూజా హెగ్డే హీరోయిన్ గా నటించింది. అఖిల్ ఈ సినిమా మీద చాలా నమ్మకాలు పెట్టుకున్నాడు. మేకర్స్ కూడా ఈ సినిమా భారీ హిట్ సాధిస్తుందని నమ్మకాన్ని వ్యక్తపరుస్తోంది. ఈ క్రమంలో సైరా నరసింహారెడ్డి వంటి పాన్ ఇండియా సినిమాతో మరో స్థాయికి చేరుకున్న సురేందర్ రెడ్డితో దర్శకత్వంలో ఓ సినిమా చేయబోతున్నాడు. ఈ సినిమాను స్పై యాక్షన్ థ్రిల్లర్ గా రూపొందిస్తున్నారు.
Akhil : ‘ఏజెంట్’ రెగ్యులర్ షూటింగ్ ప్రారంభం కాబోతోంది.
అఖిల్ కెరీర్ లో 5వ సినిమాగా రూపొందుతున్న దీనిని అనిల్ సుంకరతో కలిసి సురేందర్ రెడ్డి నిర్మిస్తున్నారు. ఇప్పటికే ‘ఏజెంట్’ అనే టైటిల్ తో సినిమా మీద చిత్ర బృందం భారీగా అంచనాలు పెంచేసింది. కాగా ఆ అంచనాలను మరింతగా పెంచుతూ డైరెక్టర్ సురేందర్ రెడ్డి అఖిల్ బ్యాక్ లుక్ ని రిలీజ్ చేశాడు. అంతేకాదు దీనికి ఓ ఇంట్రెస్టింగ్ క్యాప్షన్ కూడా పెట్టడం ఆసక్తిని రేకిత్తిస్తోంది. సురేందర్ రెడ్డి ‘ఏజెంట్ లోడింగ్’ అంటూ కొత్త లుక్ ని రివీల్ చేసి సర్ప్రైజ్ చేశారు. అంతేకాదు ఇది ప్రారంభం మాత్రమే … మీకు మునుముందు ఉంది పండగ’.. అని సురేందర్ రెడ్డి చేసిన ట్వీట్ వైరల్ అవుతోంది. కాగా త్వరలో ‘ఏజెంట్’ రెగ్యులర్ షూటింగ్ ప్రారంభం కాబోతోంది.
Lok Sabha Elections 2024: ప్రధాని మోడీ వివాదాస్పద వ్యాఖ్యలు .. ఫిర్యాదులపై ఈసీ పరిశీలన..?