Akhanda : ‘అఖండ’ నటసింహం బాలకృష్ణ నటిస్తున్న లేటెస్ట్ సినిమా. మాస్ డైరెక్టర్ బోయపాటి శ్రీను ఈ సినిమాను తెరకెక్కిస్తున్న సంగతి తెలిసిందే. భారీ యాక్షన్ ఎంటర్టైనర్ గా రూపొందుతోంది. గతంలో బ్లాక్ బస్టర్స్ గా నిలిచిన ‘సింహా’ ‘లెజెండ్’ మూవీస్ తర్వాత బాలయ్య – బోయపాటి హిట్ కాంబినేషన్ లో తెరకెక్కుతున్న ఈ హ్యాట్రిక్ సినిమా మీద భారీ అంచనాలు ఉన్నాయి. ఇక ఈ సినిమాలో బాలకృష్ణ ద్విపాత్రాభినయం చేస్తున్న సంగతి తెలిసిందే. వాటిలో ఒకటి ఫ్యాక్షనిస్ట్ పాత్ర కాగా, మరొకటి అఘోరా పాత్ర.
ఇప్పటికే బాలయ్య పోషిస్తున్న ఈ రెండు పాత్రలను దర్శకుడు బోయపాటి రివీల్ చేశాడు. గ్యారెంటి వీరు హ్యాట్రిక్ హిట్ అందుకోబోతున్నారని అభిమానులు గట్టి నమ్మకాలు పెట్టుకున్నారు. ఇక అఖండ సినిమాలో సీనియర్ హీరో శ్రీకాంత్ విలన్ గా నటిస్తుండగా, మరో సీనియర్ నటుడు జగపతిబాబు ముఖ్య పాత్ర పోషిస్తున్నారు. అయితే తాజాగా సోషల్ మీడియాలో జగపతి బాబు పాత్రకు సంబంధించిన ఓ న్యూస్ ఇప్పుడు వైరల్ అవుతోంది. కాగా ‘అఖండ’ మూవీలో జగపతి బాబు కూడా ఓ అఘోరా గా నటిస్తున్నట్టు తెలుస్తోంది.
Akhanda : అఖండ సినిమాలో కూడా జగపతి బాబు పాత్రకి చాలా ఇంపార్టెన్స్ ఉంటుందట.
ఇక బాలయ్య కథకు జగపతి బాబు పాత్ర మార్గదర్శకంగా ఉంటుందట. అంతేకాదు జగపతి బాబు గెటప్ కూడా బాగా హైలెట్ అవుతుందని టాక్ వినిపిస్తోంది. ఇక ‘లెజండ్’ సినిమాతో జగపతి బాబుని విలన్ గా మార్చిన బోయపాటి శ్రీను గొప్ప లైఫ్ ఇచ్చాడు. ఈ సినిమా తర్వాత ఆయన ఎంత బిజీ అయ్యాడో అందరికీ తెలిసిందే. అలాగే అఖండ సినిమాలో కూడా జగపతి బాబు పాత్రకి చాలా ఇంపార్టెన్స్ ఉంటుందట. ఇక విలన్ గా శ్రీకాంత్ పోషిస్తున్న పాత్ర కూడా బాలయ్య కు ధీటుగా బోయపాటి శ్రీను డిజైన్ చేసారని తెలుస్తోంది. మరి ఈసారి జగ్గుభాయ్ పాత్ర ఎంత హైలెట్ అవుతుందో చూడాలి.