Bigg boss 4: అవునా.. నిజమా? దివి టాలీవుడ్ దీపికా పదుకొణెనా?

దివి.. ఈ సొట్టబుగ్గల సుందరి ప్రస్తుతం ట్రెండింగ్ టాపిక్ తెలుగులో. తను బిగ్ బాస్ హౌస్ నుంచి ఇంత తొందరగా వస్తుందని ఎవ్వరూ ఊహించి ఉండరు. కానీ.. తనను త్వరగానే ఇంటికి పంపించేశాడు బిగ్ బాస్. ఇంకా కొన్ని రోజులు ఉంటే.. బిగ్ బాస్ షోలో ఇంకాస్త ఆసక్తి ఉండేది. అప్పుడే దివిని బయటికి పంపించేసరికి.. షో కాస్త చప్పబడింది.. అనే వార్తలు కూడా ప్రస్తుతం వస్తున్నాయి.

ఇక.. దివి బయటికి రావడం మొదలు.. ఆమెతో ఇంటర్వ్యూలు చేయడానికి అన్ని చానెళ్ల వాళ్లు ఎగబడుతున్నారు. బిగ్ బాస్ హౌస్ లో ఎక్స్ పీరియెన్స్ ఎలా ఉంది? బయటికి వచ్చినప్పుడు ఫీలింగ్ ఎలా ఉంది? అంటూ చానెళ్లలో ప్రశ్నల మీద ప్రశ్నలు వేస్తన్నారు.

అయితే.. దివి మాత్రం బిగ్ బాస్ హౌస్ లో చాలా నేర్చుకున్నాను. బిగ్ బాస్ షోలోకి వెళ్లడం వల్ల నాకు ఎంతైతే పాపులారిటీ రావాలనుకున్నానో అంత పాపులారిటీ వచ్చేసింది. నాకు ఇది చాలు. నేను ఈ సమయంలో ఎలిమినేట్ అయినా నాకేమీ బాధ లేదు. ఎందుకంటే.. ఇంటికే కదా వెళ్లింది.. అంటూ ఓ ఇంటర్వ్యూలో చెప్పుకొచ్చింది దివి.

నిన్ను తెలుగు సినిమా ప్రేక్షకులు.. టాలీవుడ్ దీపికా పదుకొణె.. అని అంటున్నారు. దానికి నీ సమాధానం ఏంటి? అని యాంకర్ దివిని ప్రశ్నించగా.. వాళ్లు అలా అనుకుంటే నాకు అంతకన్నా సంతోషం ఇంకోటి లేదు. ఎందుకంటే.. నాకు దీపికా పదుకొణె అంటే చాలా ఇష్టం.. నన్ను దీపికాతో పోల్చిన వాళ్లకు చాలా థ్యాంక్స్ అంటూ సంతోషంతో ఉబ్బితబ్బిబ్బయిపోయింది దివి.

దానికి సంబంధించిన వీడియోను మీరు కూడా చూసేయండి మరి..