Drushyam 2 : దృశ్యం 2 .. దృశ్యం కి సీక్వెల్ గా మలయాళంలో తెరకెక్కిన సినిమా. మలయాళ మెగాస్టార్ మోహన్ లాల్ – సీనియర్ హీరోయిన్ మీనా నటించిన ఈ సినిమా ప్రస్తుతం అమెజాన్ ప్రైమ్ లో స్ట్రీమింగ్ అవుతోంది. సక్సస్ ఫుల్ గా రన్ అవుతున్న ఈ సినిమా ప్రేక్షకులను బాగా ఆకట్టుకొని దూసుకెళుతోంది. దృశ్యం కంటే దృశ్యం 2 మీద ఇంకా ఎక్కువగా ప్రశంసలు దక్కుతున్నాయి. దృశ్యం 2 కి హిట్ టాక్ అని ఎపుడైతే టాక్ వచ్చిందో ఆ వెంటనే సురేష్ బాబు, వెంకటేష్ ఈ సినిమాని తెలుగులో రీమేక్ చేయాలని డిసైడయ్యారు.
అందుకే ఈ సినిమాని వెంకటేష్ రీమేక్ చేయబోతున్నట్టు కన్‌ఫర్మేషన్ కూడా ఇచ్చారు. త్వరలో అధికారకంగా ప్రాజెక్ట్ ని అనౌన్స్ చేయబోతున్నారు. ఈ క్రమంలో ప్రస్తుతం తెలుగు ప్రేక్షకులను నచ్చే విధంగా అలాగే వెంకటేష్ ఇమేజ్ కి తగ్గట్టుగా స్క్రిప్ట్ లో కీలకమైన మార్పులను చేర్పులను చేస్తున్నట్టు సమాచారం. అయితే దృశ్యం 2 స్క్రిప్ట్ లో ఎక్కువగా వెంకటేష్ ఇన్వాల్వ్ అవుతున్నట్టు తెలుస్తోంది. ఎక్కువగా సలహాలిస్తూ స్క్రిప్ట్ లో మేజర్ ఛేంజెస్ ని సూచిస్తున్నాడట. అయితే సినిమా తెలుగులో కూడా సూపర్ హిట్ అవడానికే వెంకీ ఈ ఛేంజెస్ చెబుతున్నట్టు చెప్పుకుంటున్నారు.
Drushyam 2 : దృశ్యం 2 విషయంలో వెంకటేష్ కాస్త ఎక్కువగా ఇన్వాల్వ్ అవుతున్నాడట..!
వెంకటేష్ కి ఫ్యామిలీ హీరోగా అన్నీ వర్గాల ప్రేక్షకుల్లో క్రేజ్ ఉంది. అందుకే ఈ సినిమా విషయంలో వెంకటేష్ కాస్త ఎక్కువగా ఇన్వాల్వ్ అవుతున్నాడట. ఇక ఈ సినిమాకి ఓరిజినల్ వెర్షన్ కి దర్శకత్వం వహించిన జీతు జోసెఫ్ తెలుగు రీమేక్ కి దర్శకత్వం వహించబోతున్నాడట. సురేష్ ప్రొడక్షన్స్ – ఆశిర్వాద్ సినిమాస్ కలిసి ఈ సినిమాని నిర్మిస్తున్నారు. తెలుగులో కూడా మీనా నే హీరోయిన్ గా నటిస్తుందని అంటున్నారు. కాగా వెంకటేష్ వరుణ్ తేజ్ తో కలిసి ఎఫ్ 3 సినిమా చేస్తున్నాడు. ప్రస్తుతం ఈ సినిమా సెట్స్ మీద ఉంది.
