Vakeel saab : వకీల్ సాబ్ ..ఈ ఏడాది ఏప్రిల్ 9న ప్రపంచ వ్యాప్తంగా విడుదలైన సంగతి తెలిసిందే. మూడేళ్ళ తర్వాత పవన్ కళ్యాణ్ సినిమా అనగానే ప్రపంచ వ్యాప్తంగా కేవలం అభిమానులలోనే కాదు యావత్ సినీ ప్రేమికుల్లోనూ రెట్టింపు ఉత్సాహం పెరిగింది. ఆ ఉత్సాహంతో సినిమా చూడాలనుకున్నారు. చూశారు. రికార్డ్ స్థాయిలో వసూళ్ళు కూడా రాబట్టింది. అయితే మంచి జోరు మీదున్న ఈ సినిమాకి కరోనా సెకండ్ వేవ్ దెబ్బ కొట్టింది. ఆ దెబ్బతో వకీల్ సాబ్ వసూళ్ళకి గట్టి దెబ్బ పడింది. ఊహించిన వసూళ్ళు రాబట్టక ముందే థియేటర్స్ మూసేశారు.
దాంతో అభిమానులు ఈ సినిమా ఓటీటీలో చూసేందుకు ఆసక్తి చూపించారు. అలాగే మేకర్స్ ఓటీటీలోనూ రిలీజ్ చేయగా దాదాపు అందరూ సినిమా చూశారు. థియేటర్స్ లో చూడలేని వారు ఓటీటీలో చూసి ఆనందించారు. కానీ థియేటర్స్ లో మళ్ళీ మళ్ళీ చూడాలని ఆసక్తి ఉన్న వాళ్ళు చాలా మందే ఉన్నారు. ఇదే ఇప్పుడు మేకర్స్ లో ఓ కొత్త ఆలోచన కలిగేలా చేసిందంటున్నారు. కరోనా సెకండ్ వేవ్ ప్రభావం తగ్గుముఖం పట్టింది కాబట్టి మళ్ళీ థియేటర్స్ లో రిలీజ్ చేయాలని చిత్ర నిర్మాతలు దిల్ రాజు – బోనీకపూర్ అనుకుంటున్నారట.
Vakeel saab : వకీల్ సాబ్ థియేటర్స్ లో రీ రిలీజ్ అయితే గ్యారెంటీగా మంచి కలెక్షన్స్….
ఇది తెలిసి పవన్ కళ్యాణ్ అభిమానులు, సినీ ప్రేమికులు ఎప్పుడెప్పుడు మళ్ళీ వకీల్ సాబ్ థియేటర్స్ లోకి వస్తుందా అని చూస్తున్నారట. అప్పట్లో భారీ వసూళ్ళు వచ్చాయి అని ప్రచారం జరిగింది గానీ, బ్రేకీవెన్ సాధించిందా లేదా అన్నది గోప్యంగా ఉంచారు. అంటే వకీల్ సాబ్ రాబట్టాల్సిన వసూళ్ళు ఇంకా చాలానే ఉన్నట్టు చెప్పుకుంటున్నారు. అందుకే ఇలా రీ రిలీజ్ ప్లాన్ చేశారట. గతంలో కూడా 100 రోజులు ఆడిన సూపర్ హిట్ సినిమాలను రీ రిలీజ్ చేసి మంచి వసూళ్ళు రాబట్టారు. అదే ఫార్ములా మళ్ళీ అప్లై చేస్తున్నట్టు తెలుస్తోంది. నిజంగా వకీల్ సాబ్ థియేటర్స్ లో రీ రిలీజ్ అయితే గ్యారెంటీగా మంచి కలెక్షన్స్ రావడం ఖాయమని చెప్పుకుంటున్నారు.శృతి హాసన్ కీలక పాత్రలో, నివేథా థామస్, అంజలి, అనన్య నాగళ్ళ కీలక పాత్రలో నటించగా వేణు శ్రీరామ్ దర్శకత్వం వహించాడు.
