Kajal agarwal: తెలుగు సినిమా ఇండస్ట్రీలో స్టార్ ఇమేజ్ సొంతం చేసుకున్న దాదాపు అందరు హీరోయిన్స్ నెక్స్ట్ టార్గెట్ బాలీవుడ్ సినిమా ఇండస్ట్రీ మీదే. ఎందుకంటే అక్కడ మార్కెట్ స్థాయి చాలా ఎక్కువ. హిందీలో నిర్మించిన సినిమాలన్నీ దేశ వ్యాప్తంగానే కాదు.. ప్రపంచవ్యాప్తంగా రిలీజవుతుంటాయి. ఆ కారణంగానే అక్కడ హీరోలకు, హీరోయిన్స్‌కు భారీ క్రేజ్ దక్కుతుంది. ఇదే వారి రెమ్యునరేషన్ భారీ స్థాయిలో పెరగడానికి ముఖ్య కారణం అవుతుంది. అందుకే సౌత్ ఇండస్ట్రీలోని అన్నీ భాషలలో నటించే హీరో, హీరోయిన్స్, డైరెక్టర్స్ బాలీవుడ్‌లో సెటిలవ్వాలని ఆరాటపడుతుంటారు.
బాలీవుడ్ ఇండస్ట్రీలో హిట్ అందుకోలేక టాలీవుడ్‌లో అవకాశాలు అందిపుచ్చుకొని ఇక్కడ మోస్ట్ వాంటెడ్ హీరోయిన్‌గా మారిన పూజా హెగ్డే ఇప్పుడు హిందీ ఇండస్ట్రీలో ఫోకస్ పెట్టింది. ఛలో సినిమాతో వచ్చి అనూహ్యంగా పెద్ద సినిమాలలో నటించే అవకాశాలు దక్కించుకున్న రష్మిక మందన్న ఇప్పుడు సౌత్ కంటే బాలీవుడ్‌లోనే ఎక్కువ సినిమాలు చేస్తోంది. ఇక సమంత ఇటీవల బాలీవుడ్ వెబ్ సిరీస్ ది ఫ్యామిలీ మాన్ లో నటించి ఆకట్టుకుంది. అంతకముందు అంతగా బాలీవుడ్ మీద ఫోకస్ చేయని సమంత ఈ వెబ్ సిరీస్‌తో వచ్చిన క్రేజ్ కారణంగా ఇప్పుడు తెలుగు కంటే ఎక్కువగా హిందీ ఇండస్ట్రీ మీద ఫోకస్ చేస్తోంది.
Kajal agarwal: బాలీవుడ్‌లో కియారా అద్వానీ మాదిరిగా స్టార్ డమ్ సంపాదించుకోలేకపోతున్నారు.
నిధి అగర్వాల్ లాంటి వారు ముందు ఎంట్రీ ఇచ్చింది బాలీవుడ్‌లోనే అయినా సక్సెస్ అయింది మాత్రం తెలుగు సినిమాలతోనే. ఆ తర్వాత తమిళ సినిమాలు. కానీ ఇప్పుడు ఈ బ్యూటీ ఫోకస్ కూడా బాలీవుడ్ మీద బాగా ఉంది. ఇక్కడ సక్సెస్ కాని తాప్సీ కూడా బాలీవుడ్‌లో స్టార్ హీరోయిన్. ఇలా తెలుగు హీరోయిన్స్ చాలామంది హిందీ ఇండస్ట్రీకే వెళ్ళాలని ప్రయత్నిస్తున్నారు. అయితే హిందీలో కూడా సక్సెస్ లేని హీరోయిన్ సౌత్ లో ఎంత పెద్ద స్టార్ అయినా పట్టించుకోరు. ఇక కాజల్ లాంటి వారు ఎంత ట్రై చేసినా కూడా బాలీవుడ్‌లో కియారా అద్వానీ మాదిరిగా స్టార్ డమ్ సంపాదించుకోలేకపోతున్నారు.
వాస్తవంగా చెప్పాలంటే కియారా అద్వానీ కంటే కాజల్ అగర్వాల్ ముందు ఇండస్ట్రీకి వచ్చింది. దాదాపు 15 ఏళ్ళ కెరీర్‌లో ఎన్నో బ్లాక్ బస్టర్స్ కాజల్ అకౌంట్‌లో ఉన్నాయి. యంగ్ హీరోల దగ్గర్నుంచి మెగాస్టార్ చిరంజీవి, పవన్ కళ్యాణ్ లాంటి అగ్ర హీరోల వరకు అందరితోనూ స్క్రీన్ షేర్ చేసుకుంది. కానీ హిందీలో ఎందుకనో కాజల్ అగర్వాల్ వరుసగా ఆఫర్ దక్కించుకోలేక స్టార్ హీరోయిన్ అనే క్రేజ్ సంపాదించుకోలేకపోయింది. ఏవో కొన్ని సినిమాలు చేసినా అవి కాజల్‌ను అక్కడ అగ్ర స్థానంలో నిలబెట్టలేకపోయాయి. అయినా ఆమె ప్రయత్నాలు మాత్రం మానలేదు.
Kajal agarwal: కాజల్ ఈ ప్రయత్నం అయినా ఫలిస్తుందా లేదా.
ఈ క్రమంలోనే హిందీలో ‘ఉమ’ అనే సినిమాలో నటించే అవకాశం అందుకుంది. ఈ సినిమాలో అయోషి తాలుక్దార్, గౌరవ్ శర్మ, టిన్ను ఆనంద్, మేఘనా మాలిక్, హర్ష్ ఛాయా, లాంటి వారు కీలక పాత్రలు పోషించనున్నారు. మిరాజ్ క్రియేషన్స్ సమర్పిస్తుండగా, ఎవిఎంఏ మీడియా వారు నిర్మిస్తున్నారు. మంత్రరాజ్ పలివాల్, అవికేష్ ఘోష్, మనీషా నిర్మాతలుగా వ్యవహరిస్తున్నారు. వాస్తవంగా ఈ సినిమా గత ఏడాదే రిలీజ్ కావాల్సింది. కానీ కరోనా వల్ల ఆలస్యం అయింది. తథాగత సింఘా ఈ సినిమాకి దర్శకుడు. ఈ ఏడాదిలోనే రిలీజ్ చేయనున్నారు. చూడాలి మరి కాజల్ ఈ ప్రయత్నం అయినా ఫలిస్తుందా లేదా.
