Salaar : పాన్ ఇండియన్ స్టార్ ప్రభాస్ నటిస్తున్న పాన్ ఇండియన్ సినిమాలలో సలార్ ఒకటి. ప్రశాంత్ నీల్ తెరకెక్కిస్తున్న ఈ మూవీలో శృతి హాసన్ హీరోయిన్ గా నటిస్తోంది. గత కొంతకాలంగా పాన్ ఇండియన్ మూవీస్ లో స్పెషల్ సాంగ్ కి బాగా ఇంపార్టెన్స్ పెరిగింది. ఇంతకముందు స్పెషల్ సాంగ్ అంటే మోడల్స్ తో తీసేవారు. కానీ ఈ మధ్య కాలంలో స్టార్ హీరోయిన్ కి భారీ రెమ్యునరేషన్ ఇచ్చి స్టార్ హీరోల సినిమాలలోనే కాదు యంగ్ హీరోలు నటిస్తున్న సినిమాలలో కూడా నటింప చేస్తున్నారు. ఒకరకంగా చెప్పాలంటే భాష ఏదైనా స్పెషల్ సాంగ్ అనేది తప్పనిసరి అయింది.
ఇక కేజీఎఫ్ సినిమాలో మిల్కీ బ్యూటీ తమన్నాతో స్పెషల్ సాంగ్ చేయించారు. ఈ సాంగ్ బాగా పాపులర్ అవడంతో పాటు సినిమాకి భారీ స్థాయిలో క్రేజ్ తీసుకు వచ్చింది. ఇక ఇప్పుడు కేజీఎఫ్ 2లోనూ మాంచి మాస్ స్పెషల్ సాంగ్ ని ప్రశాంత్ నీల్ తెరకెక్కించాడు. కాగా ఈ డైరెక్టర్ ఇప్పుడు ప్రభాస్ తో ఎంతో ప్రతిష్టాత్మకంగా రూపొందిస్తున్న ప్రశాంత్ నీల్ సలార్ మూవీ లో కూడా అదిరిపోయే స్పెషల్ సాంగ్ ప్లాన్ చేస్తున్నట్టు వార్తలు వచ్చిన సంగతి తెలిసిందే. దీనిలో గత కొంత కాలంగా పలువురు స్టార్ హీరోయిన్స్ పేరు వినిపించింది. అలాగే కేజీఎఫ్ సినిమాలో నటించిన హీరోయిన్ శ్రీనిధి శెట్టిని తీసుకోకునున్నట్టు ఆ మధ్య వార్తలు వచ్చాయి.
Salaar : సలార్ సినిమాకి సంబంధించిన అఫీషియల్ కన్ఫర్మేషన్ ఎప్పుడు వస్తుందో చూడాలి.
కానీ తాజాగా భారీ రేంజ్ లో క్రేజ్ ఉన్న బాలీవుడ్ స్టార్ హీరోయిన్ కత్రినా కైఫ్ ని ప్రభాస్ సలార్ సినిమాలో స్పెషల్ సాంగ్ కోసం తీసుకోబోతున్నారని వార్తలు మొదలయ్యాయి. తెలుగులో కత్రినా కైఫ్ రెండు సినిమాలు చేసింది. డెబ్యూ మూవీ మల్లీశ్వరీ. ఇందులో విక్టరీ వెంకటేశ్ హీరోగా. ఈ సినిమా బ్లాక్ బస్టర్ గా నిలిచింది. ఆ తర్వాత బాలకృష్ణ తో ఓ సినిమా చేసింది. కానీ ఈ సినిమా డిజాస్టర్ గా నిలిచింది. ఆ తర్వాత కత్రినా మళ్ళీ సౌత్ సినిమాలలో కనిపించలేదు. ఎట్టకేలకి మళ్ళీ ఇప్పుడు సలార్ సినిమాతో రీ ఎంట్రీ ఇస్తుందని అంటున్నారు. బాలీవుడ్ లో స్టార్ హీరోయిన్ గా వెలుగుతున్న ఈమె ‘చకిని చమేలి’ లాంటి స్పెషల్ సాంగ్స్ లో నర్తించింది. మరి సలార్ సినిమాకి సంబంధించిన అఫీషియల్ కన్ఫర్మేషన్ ఎప్పుడు వస్తుందో చూడాలి.