Keerthi suresh : కీర్తి సురేష్ టైం ఏమంత బాగోలేదనిపిస్తోంది. మహానటి సినిమా తర్వాత మళ్ళీ ఇటు టాలీవుడ్ అటు కోలీవుడ్ లో గానీ చెప్పుకోతగ్గ హిట్ సినిమా దక్కలేదు. మహానటి కి ముందు మహానటి తర్వాత అన్నట్టుగా చెప్పుకోవాల్సిన కీర్తి కెరీర్ ప్రస్తుతం డైలమాలో పడిందంటున్నారు. చేసిన సినిమాలన్నీ బాక్సాఫీస్ వద్ద సరైన ఫలితాన్ని ఇవ్వడం లేదు. లేడీ ఓరియెంటెడ్ సినిమాలు పెంగ్విన్, మిస్ ఇండియా ఎంతగా నిరాశ పరచాయో అందరికీ తెలిసిందే. గుడ్ లక్ సఖీ సినిమా రిలీజ్ ఎప్పుడో కూడా తెలియడం లేదు.
ఇక ఇటీవల వచ్చిన రంగ్ దే సినిమా కీర్తి కెరీర్ కి మంచి టర్నింగ్ పాయింట్ అవుతుందనుకుంటే లాంగ్ రన్ లో ఈ సినిమా పరిస్థితి కూడా ఫ్లాప్ సినిమాల లిస్ట్ లో చేరిందని చెప్పుకుంటున్నారు. బ్రేకీవెన్ టార్గెట్ రీచ్ అవకుండానే రంగ్ దే సర్దేసుకుందన్న మాట వినిపిస్తంది. యూత్ స్టార్ నితిన్, యంగ్ డైరెక్టర్ వెంకీ అట్లూరి కాంబినేషన్ లో వచ్చిన రంగ్ దే సినిమా మొదట్లో పాజిటివ్ టాక్ తెచ్చుకుంది. కానీ నెమ్మదిగా నాలుగు, అయిదవ రోజుకి వచ్చేసరికి పెద్దగా పట్టించుకున్న వాళ్ళు లేకుండా పోయారు. అయితే రంగ్ దే సినిమాలో కీర్తి సురేష్ కాకుండా రష్మిక మందన్న అయితే సినిమా బ్లాక్ బస్టర్ అయ్యేదన్న టాక్ వినిపిస్తోంది. గీత గోవిందం లాంటి హిట్ నితిన్ కి దక్కేదని మాట్లాడుకుంటున్నారు.
Keerthi suresh : కీర్తి కి సర్కారు వారి పాట కెరీర్ ఎంతగా ఉపయోగపడుతుందో..?
దాంతో ఇప్పుడు కీర్తి సురేష్ కెరీర్ మొత్తం సూపర్ స్టార్ మహేష్ బాబు తో చేస్తున్న సర్కారు వారి పాట సినిమా మీదే ఆధారపడి ఉందని అంటున్నారు. ఈ సినిమా సూపర్ హిట్ అయి..అందులో కీర్తికి మంచి పేరు ..క్రెడిట్ వస్తే మళ్ళీ అవకాశాలు దక్కించుకుంటుంది. లేదంటే ఆ తర్వాత ఎలాంటి పరిస్థితులుంటాయో అని చెప్పుకుంటున్నారట. చూడాలి మరి కీర్తి కి సర్కారు వారి పాట కెరీర్ ఎంతగా ఉపయోగపడుతుందో. ఇక కోలీవుడ్ లో సూపర్ స్టార్ రజనీకాంత్ సినిమా అన్నాత్తేలో కూడా కీర్తి నటిస్తోంది. అయితే సోలో హీరోయి గా కాదు.
Lok Sabha Elections 2024: ప్రధాని మోడీ వివాదాస్పద వ్యాఖ్యలు .. ఫిర్యాదులపై ఈసీ పరిశీలన..?