Nayanatara : నయనతార తెలుగు, తమిళ భాషల్లో ఇప్పటికే ఎన్నో అద్భుతమైన పాత్రలు పోషించింది. నయనతార ఇండస్ట్రీకొచ్చి 13 ఏళ్ళు కంప్లీట్ అయింది. మెగాస్టార్ చిరంజీవి, రజనీకాంత్, ప్రభాస్ సహా దాదాపు స్టార్ హీరోలందరితోనూ నటించింది. ఈమె కెరీర్ లో ఎక్కువగా బ్లాక్ బస్టర్ సినిమాలే ఉన్నాయి. దాంతో దర్శక నిర్మాతలే కాదు స్టార్ హీరోలు కూడా తమ సినిమాలలో నయనతార ఉండాలనుంటున్నారు. అంతగా క్రేజ్ ఉంది నయన్ కి.
ఈ క్రమంలోనే సౌత్ లో లేడీ ఓరియెంటెడ్ సినిమాలు చేస్తూ వస్తోంది. ఒకరకంగా చెప్పాలంటే లేడీ ఓరియెంటెడ్ సినిమాలకు కేరాఫ్ అడ్రెస్గా మారింది నయనతార. ఆ మధ్య అమ్మోరు తల్లి అనే సినిమాలో కూడా అమ్మవారి పాత్రలో కనిపించి ఆకట్టుకుంది. కాగా ఒక ఛాలెంజింగ్ రోల్ లో నటిస్తోంది. మిలింద్ రౌ ఈ సినిమాకి దర్శకత్వం వహిస్తున్నాడు. ‘నేట్రికన్’ టైటిల్ తో ఈ సినిమా రూపొందుతోంది. కొరియన్ భాష లో హిట్ గా నిలిచిన ‘బ్లైండ్’కి రీమేక్గా తెరకెక్కుతుండగా నయనతార అంధురాలిగా కనిపించనుంది.
Nayanatara : ‘నేట్రికన్’ ఓటీటీ లో రిలీజ్ చేసే అవకాశం ఉందని అంటున్నారు.
నయనతార మొదటిసారి ఇటువంటి ఛాలెంజింగ్ రోల్లో నటిస్తుంది. ఇక క్రాస్ పిక్చర్స్ తో కలిసి రౌడీపిక్చర్స్ బ్యానర్పై నయన్ బాయ్ ఫ్రెండ్ విఘ్నేశ్ శివన్ నిర్మిస్తున్నాడు. రీసెంట్గా కోలీవుడ్ సెలబ్రిటీలు ‘నేట్రికన్’ లేటెస్ట్ పోస్టర్ రిలీజ్ చేశారు. ఈ పోస్టర్ సినిమా మీద అంచనాలు పెంచింది. మర్డర్ థ్రిల్లర్ నేపథ్యంలో రూపొందుతున్న ఈ సినిమా టీజర్ గతేడాది నవంబర్ లో విడుదలైంది. కాగా ‘నేట్రికన్’ ఓటీటీ లో రిలీజ్ చేసే అవకాశం ఉందని అంటున్నారు. చూడాలి మరి ఈ సినిమా నయన్ కి ఎలాంటి సక్సెస్ ఇస్తుందో.