దిల్ రాజు నిర్మాతగా పవర్ స్టార్ పవన్ కళ్యాణ్ నటిస్తున్న సినిమా వకీల్ సాబ్. వేణు శ్రీరాం దర్శకత్వం వహిస్తున్నాడు. బాలీవుడ్ ఫిల్మ్ మేకర్స్ బోనీకపూర్ సహ నిర్మాతగా వ్యవహరిస్తున్నారు. హిందీలో బిగ్ బి అమితాబ్ బచ్చన్ నటించిన సూపర్ హిట్ సినిమా పింక్ కి రీమేక్ గా తెలుగులో వకీల్ సాబ్ రూపొందుతుంది. కాగా మరో రెండు రోజుల్లో పవర్ స్టార్ బర్త్ డే జరుపుకోబోతున్నారు.
ఈ నేపథ్యంలో ఇప్పటికే సోషల్ మీడియాలో ఫ్యాన్స్ హడావుడి, సందడి మొదలైంది. బర్త్ డే కామన్ డీపీ విడుదలై వరల్డ్ రికార్డును సొంతం చేసుకున్నారు. అయితే ఫ్యాన్స్ అందరూ పవర్ స్టార్ పుట్టిన రోజు సందర్భంగా వకీల్ సాబ్ నుంచి టీజర్ లేదా సాంగ్ రిలీజ్ అవుతుందన్న భావనలో ఉత్సాహంగా ఉన్నారు. కాగా ఈ సినిమా విడుదలకు ఇంకా చాలా సమయం ఉంది కనుక పాట కాని టీజర్ కాని విడుదల చేసే అవకాశం ఉండకపోవచ్చన్న టాక్ వినిపిస్తుంది.
వకీల్ సాబ్ కమర్షియల్ సినిమా కాదు గనక థమన్ సంగీతం అందిస్తున్నప్పటికి ఈ సినిమాలో ఎక్కువగా పాటలు ఉండే అవకాశం లేదు. అయినా థమన్ నుండి పవన్ బర్త్ డే గిఫ్ట్ ఏదైనా వస్తుందని ఫ్యాన్స్ చాలా ఆసక్తిగా ఎదురు చూస్తున్నారు. కాని ఇప్పటి వరకు చిత్ర యూనిట్ సభ్యుల నుండి ఎలాంటి సమాచారం లేదు. అయితే వకీల్ సాబ్ సినిమా మోషన్ పోస్టర్ లేదా టీజర్ వచ్చే అవకాశం ఉందని విశ్వసనీయ వర్గాల ద్వారా అందుతున్న సమాచారం. ఈ విషయంలో ఈరోజు లేదా రేపు క్లారిటీ వచ్చే అవకాశం ఉందని తెలుస్తుంది. ఇక ఫ్యాన్స్ మాత్రం ఖచ్చితంగా వకీల్ సాబ్ నుంచి మంచి సర్‌ప్రైజ్ ఉండబోతుందని సిద్దంగా ఉన్నారు.
