Pink : పింక్.. బాలీవుడ్లో వచ్చి డీసెంట్..సూపర్ హిట్..సూపర్ క్లాసిక్..ఇలా చాలా రకాలుగా చెప్పుకున్నారు. అందుకు కారణం పింక్ బాలీవుడ్లో సృష్ఠించిన సెన్షేషనే. ముగ్గురు అమ్మాయిల చుట్టూ తిరిగే కథ ఆ ముగ్గురమ్మాయిల కోసం పోరాటం చేసే లాయర్..ప్రతీ సన్నివేశం ఎంతో ఉత్కంఠతతో సాగుతుంది. సినిమా మొత్తం సైలెంట్గా చూస్తారు. అసలు ఇలాంటి కథలని డీల్ చేయడం అంటే ఆషామాషి విషయం కాదు. పక్కా స్క్రిప్ట్..గ్రిప్పింగ్ స్క్రీన్ ప్లే అమితాబ్ బచ్చన్, తాప్సీ పర్ఫార్మెన్స్ అద్భుతంగా కుదిరాయి.
అయితే ఇదే సినిమాని తెలుగులో పవర్ స్టార్ పవన్ కళ్యాణ్ తెలుగులో రీమేక్ చేస్తున్నాడనగానే విపరీతంగా నెగిటివ్ కామెంట్స్తో పాటు బాలీవుడ్ వాళ్ళు కాస్త వెటకారంగానూ మాట్లాడుకున్నారు. వకీల్ సాబ్ టైటిల్ మీద ట్రోల్ చేశారు. వాళ్ళకి తోడు కొందరు యాంటీ ఫ్యాన్స్ కూడా ఈ సినిమా పవన్ కళ్యాణ్ చేయడం ఏంటన్న కామెంట్స్ చేశారు. పింక్ కథ చెడగొడతారని మాట్లాడుకున్నారు. వకీల్ సాబ్ టైటిల్ పోస్టర్ దగ్గర్నుంచి టీజర్.. ట్రైలర్ వరకు ప్రతీ దాంట్లో పవన్ కళ్యాణ్ హైలెట్ చేయడంతో పాజిటివ్ కంటే నెగిటివ్ కామెంటే ఎక్కువ వచ్చాయి.
Pink : పింక్ కథ గౌరవాన్ని వకీల్ సాబ్ పెంచాడు..!
కానీ రీసెంట్గా వకీల్ సాబ్ థియేటర్స్లోకి వచ్చాక బాలీవుడ్ సినిమా పింక్ కథ గౌరవాన్ని వకీల్ సాబ్ పెంచాడని ఇంకా చెప్పాలంటే హిందీ కంటే తెలుగులో ఇంకా ఎక్కువ ఇంపాక్ట్ చూపిస్తోందని చెప్పుకుంటున్నారు. మన నేటివిటీకి తగ్గట్టు పవన్ కళ్యాణ్ ఇమేజ్కి తగ్గట్టు దర్శకుడు శ్రీరామ్ వేణు చేసిన కీలక మార్పులు ఆడవాళ్ళ గుంచి ప్రత్యేకంగా చర్చించిన సన్నివేశాలు సినిమాని ఇంకా ఎక్కువగా జనాలలోకి తీసుకు వెళ్ళింది. ఇప్పుడు ఈ సినిమాని గానీ, పవన్ కళ్యాణ్ గానీ ప్రతీ ఒక్కరు పొగడ్తలతో ముంచేస్తున్నారు. నెత్తిమీద పెట్టుకుంటున్నారు.