Pawan kalyan : పవర్ స్టార్ పవన్ కళ్యాణ్ ఇటీవల వకీల్ సాబ్ సినిమాతో వచ్చి మంచి హిట్ అందుకున్నాడు. ఇదే ఊపులో ఈ ఏడాది మరో సినిమాను రిలీజ్ చేయాలనుకున్నారు. కానీ కరోనా సెకండ్ వేవ్ కొట్టిన దెబ్బకి లాక్ డౌన్ తో పాటు ఆయన కూడా కరోనా బారిన పడ్డారు. మళ్ళీ పరిస్థితులు చక్కబడటం, ఆయన కూడా పూర్తిగా కోలుకోవడంతో రాజకీయాల మీద దృష్టి సారించడంతో పాటు కమిటయిన సినిమాల షూటింగ్‌లో పాల్గొనేందుకు రెడీ అవుతున్నాడు. అయితే ఇక్కడ ఆయన అనుకున్న ఆర్డర్ కూడా ఈ
కరోనా లాక్ డౌన్ కారణంగా మారనుందనే టాక్ ఇప్పుడు ఇండస్ట్రీ వర్గాలలో బలంగా వినిపిస్తోంది. పవన్ కేవలం సినిమాల మీదనే దృష్టి పెడితే సమస్యలుండవు. ఆయన దూకుడుకు బ్యాక్ టు బ్యాక్ రెండు సినిమాలను కంప్లీట్ చేస్తాడు.
కానీ అటు పొల్టికల్ మీటింగ్స్ లో కూడా పాల్గొనాల్సి వస్తోంది. దాంతో షెడ్యూల్స్ కాస్త మారుతున్నాయట. ప్రస్తుతం పవర్ స్టార్ క్రిష్ తెరకెక్కిస్తున్న ‘హరి హర వీరమల్లు’, సాగర్ కె చంద్ర తెరకెక్కిస్తున్న ‘ఏకే’ రీమేక్ మూవీస్ లో నటిస్తున్నాడు. కరోనా కారణంగా వీటి షూటింగ్స్ ఆపేశారు. అన్నీ సినిమాల షూటింగ్స్ మొదలయినా ఇంకా వీటి చిత్రీకరణ మొదలవలేదు. దాంతో ‘హరి హర వీరమల్లు’ సినిమా వచ్చే సంక్రాంతి కి రిలీజ్ అయ్యే ఛాన్స్ లేదంటున్నారు. కానీ ఈ చిత్ర నిర్మాత ఏ.ఎమ్. రత్నం మాత్రం ఈ వార్తలను ఖండిస్తున్నారు. పవర్ స్టార్ మూవీని చెప్పిన సమయానికి రిలీజ్ చేస్తామని తెలిపారు. అయితే ఇప్పుడున్న పరిస్థితుల్లో భారీ సెట్ లో షూట్ చేయాల్సిన సినిమా వీరమల్లు. భారీ తారాగణం కూడా పాల్గొనాల్సి ఉంది. అలాగే గ్రాఫిక్స్ వర్క్ కు ఎక్కువ సమయం పడుతుంది.
Pawan kalyan : హరీశ్ శంకర్, సురేందర్ రెడ్డి సినిమాల పరిస్థితి ఎలా ఉంటుందో చూడాలి.
అందుకే పవన్ తో సినిమాలు చేస్తున్న ఇద్దరు ప్రొడ్యూసర్స్ కూర్చొని నిర్ణయానికి వచ్చినట్టు లేటెస్ట్ అప్‌డేట్. ‘హరి హర వీరమల్లు’ మూవీని సంక్రాంతి కాకుండా.. అదే సమయానికి ఏకే రీమేక్ మూవీని రిలీజ్ చేయాలని నిర్ణయానికి వచ్చారట. అందుకే ముందు జూలై 12న సితార ఎంటర్టైన్మెంట్స్ లో తెరకెక్కుతున మూవీ షూటింగ్ ను మొదలుపెట్టి, ఆగస్ట్ చివరుకు పూర్తి చేయాలని ప్లాన్ చేస్తున్నారట. ‘ఏకే’ రీమేక్ సంక్రాంతి పండుగ సీజన్ లో దింపి ‘వీరమల్లు’ 2022 సమ్మర్ లో రిలీజ్ చేసేలా ప్లాన్స్ మార్చినట్టు సమాచారం. ఈ క్రమంలో హరీశ్ శంకర్, సురేందర్ రెడ్డి సినిమాల పరిస్థితి ఎలా ఉంటుందో చూడాలి.
