Raai Laxmi: లక్ష్మీ రాయ్ గా టాలీవుడ్‌లో ఎంట్రీ ఇచ్చి సక్సెస్ ల కోసం రాయ్ లక్ష్మీగా పేరు మార్చుకున్నారు. అయినా ఆమె ఆశించిన అవకాశాలు అంతగా దక్కడం లేదు. ఇండస్ట్రీకొచ్చే అందరూ అమ్మాయిలు స్టార్ హీరోయిన్‌గా పాపులారిటీ సాధించుకోవాలనే వస్తారు. కానీ ఇక్కడికి వచ్చాక వారి డెస్టినీ ఎటు తీసుకుకెళుతుందో ఏ పాత్రలకి పరిమితం చేస్తుందో ఎవరూ చెప్పలేరు. ప్రేక్షకులు వారిని ఎలా చూడాలనుకుంటే అలా క్రేజ్ సంపాదించుకునేవారు ఉన్నారు. ఇక కొంతమంది హీరోయిన్‌గా మాత్రమే సినిమాలు చేస్తానని పట్టుపట్టిన వారు ఆ అవకాశాలు రాక కనుమరుగైయ్యారు.
కానీ లక్ష్మీ రాయ్ మాత్రం ఎలాంటి అవకాశాలు ఏ ఇండస్ట్రీ నుంచి వచ్చినా అందిపుచ్చుకుంటోంది. ఇంకా ఆమె సీనియర్ స్టార్ హీరోల సరసన నటించే అవకాశాలు వస్తే చేయాలని ఆశపడుతోంది. మన తెలుగులో నందమూరి బాలకృష్ణ లాంటి సీనియర్ హీరోలకి ఇప్పుడు అంత పర్‌ఫెక్ట్‌గా హీరయిన్స్ దొరకడం లేదు. అయినా మేకర్స్ ఏజ్‌లో బాగా చిన్నవాళ్ళైనా కూడా సౌత్‌లో బాగా క్రేజ్ ఉన్నవారినే బాలయ్య లాంటి వారి సరసన తీసుకుంటున్నారు. అందుకే గంపెడు ఆశతో ఎదురు చూస్తున్న లక్ష్మీ రాయ్ లాంటి వారికి మాత్రం హీరోయిన్‌గా అవకాశాలు దక్కడం లేదు.
Raai Laxmi: రాయ్ లక్ష్మీగా పేరు మార్చుకున్నాక హిందీలో జూలీ 2 సినిమాలో నటించింది.
చెప్పాలంటే ఆమెను హీరోయిన్‌గా కంటే ఐటెం సాంగ్స్‌కే ఎక్కువగా తీసుకుంటున్నారు. కాంచనమాల కేబుల్ టి.వి. అనే సినిమాతో హీరోయిన్‌గా టాలీవుడ్‌లో ఎంట్రీ ఇచ్చింది రాయ్ లక్ష్మీ. ఈ సినిమా యావరేజ్‌గా ఆడింది. శ్రీకాంత్ హీరోగా నటించిన ఈ సినిమాకి పార్థసారధి దర్శకత్వం వహించారు. ఈ సినిమా తర్వాత నీకు నాకు, బాలయ్యతో అధినాయకుడు లాంటి సినిమాలు చేసింది లక్ష్మీ రాజ్. అయితే ఎందుకనో ఆమెకి తెలుగులో చెప్పుకోదగ్గ అవకాశాలు రాలేదు. కానీ తెలుగు కంటే మిగతా సౌత్ భాషలైన తమిళం, కన్నడ, మలయాళ భాషలలో ఎక్కువ సినిమాలు చేసి క్రేజ్ తెచ్చుకుంది.
అంతేకాదు రాయ్ లక్ష్మీగా పేరు మార్చుకున్నాక హిందీలో జూలీ 2 సినిమాలో నటించింది. అంతకముందు అకీరా సినిమాతో ఎంట్రీ ఇచ్చినప్పటికీ జూలీ 2 రాజ్ లక్ష్మీకి కాస్త గుర్తింపు తెచ్చి పెట్టింది అని చెప్పాలి. తెలుగులో మెగాస్టార్ చిరంజీవి నటించిన రీ ఎంట్రీ మూవీ ఖైదీ నంబర్ 150లో రత్తాలు రత్తాలు పాటతో బాగా ఆకట్టుకుంది. అంతకముందు కూడా రవితేజ నటించిన బలుపు సినిమాలో ఆడిపాడింది. అలాగే పవర్ స్టార్ పవన్ కళ్యాణ్ నటించిన సర్దార్ గబ్బర్‌సింగ్ సినిమాలో తోబ తోబా పాటలో అలరించింది. మిగతా భాషలలో ఎలా ఉన్నా తెలుగులో మాత్రం రాయ్ లక్ష్మీ ఐటెం సాంగ్స్‌కి కేరాఫ్ అడ్రస్‌గా మారింది. వేర్ ఈజ్ ద వెంకట్ లక్ష్మీ అనే సినిమా తర్వాత మళ్ళీ రాయ్ లక్ష్మీ తెలుగులో కనిపించలేదు.
Raai Laxmi: మిగతా భాషలలో వరుస సినిమాలతో చాలా బిజీగా ఉంది రాయ్ లక్ష్మీ.
అయితే హిందీతో పాటు మిగతా భాషలలో వరుస సినిమాలతో చాలా బిజీగా ఉంది రాయ్ లక్ష్మీ. ప్రస్తుతం ఆమె తెలుగులో నటించిన ఆనంద భైరవి షూటింగ్ స్టేజ్‌లో ఉంది. అలాగే కన్నడలో లేడీ ఓరియెంటెడ్ మూవీ ఝాన్సీ ఐపిఎస్, తమిళంలో గ్యాంగ్‌స్టర్ 21 సినిమాలు కూడా చిత్రీకరణ దశలో ఉన్నాయి. కరోనా ఎఫెక్ట్ లేకపోయి ఉంటే ఈ మూడు సినిమాలు ఈ ఏడాదే ప్రేక్షకుల ముందుకు రావాల్సింది. చూడాలి మరి 2022లో అయినా రాయ్ లక్ష్మీ నటించిన 3 సినిమాలు రిలీజ్ అవుతాయా లేదా.
Tenant OTT Release: ఓటీటీ సినిమాని థియేటర్లలో రిలీజ్ చేస్తున్న కమెడియన్.. క్లారిటీ ఇస్తూ కామెంట్స్..!