Samantha : సమంత నటిస్తున్న లేటెస్ట్ సినిమా శాకుంతలం. గత నెలలో చిత్రీకరణ మొదలైన ఈ సినిమా ప్రస్తుతం చిత్రీకరణ ఆగిపోయిందా.. అవుననే అంటున్నారు ఇండస్ట్రీ వర్గాలు. కరోనా వైరస్ సెకండ్ వేవ్ ప్రభావం మళ్ళీ సినిమా ఇండస్ట్రీల మీద విపరీతంగా చూపిస్తోంది. ఇప్పటికే ముంబై సినిమా ఇండస్ట్రీతో పాటు టాలీవుడ్ సినీ ఇండస్ట్రీలోనూ పలువురు దర్శక, నిర్మాతలు, స్టార్స్ కరోనా బారిన పడుతున్న విషయం తెలిసిందే. కరోనా ఫస్ట్ వేవ్ కంటే సెకండ్ ఎఫెక్ట్ ఎక్కువగా ప్రభావం చూపిస్తోంది.
దాంతో పలువురు టాలీవుడ్ సినీ ప్రముఖులు ఇప్పటికే కోవిడ్ నుంచి కోలుకోవడానికి సెల్ఫ్ క్వారంటైన్లోకి వెళ్లారు. తాజా సమాచారం ప్రకారం స్టార్ డైరెక్టర్ గుణశేఖర్కి కూడా కోవీడ్ పాజిటివ్ అని తెలుస్తోంది. అయితే ఈ విషయంలో దర్శకుడు గుణశేఖర్ నుంచి ఇంకా అధికారకమైన ప్రకటన ఏదీ రాలేదు. ప్రస్తుతం ఈ న్యూస్ సోషల్ మీడియాలో మాత్రం బాగా వైరల్ అవుతోంది. ఈ క్రమంలోనే శాకుంతలం సినిమా షూటింగ్ ని తాత్కాలికంగా పోస్ట్పోన్ చేశారట.
Samantha : శాకుంతలంలో దేవ్ మోహన్ దుష్యంతుడి పాత్రలో నటిస్తున్నారు.
సమంత శకుంతలగా మలయాళ నటుడు దేవ్ మోహన్ దుష్యంతుడి పాత్రలో నటిస్తున్నారు. ఇక ఈ సినిమాని దర్శకుడు గుణశేఖర్ పాన్ ఇండియన్ స్థాయిలో తెరకెక్కిస్తున్న సంగతి తెలిసిందే. గుణ టీం వర్క్స్ బ్యానర్పై నీలిమ గుణ భారీ బడ్జెట్తో నిర్మిస్తుండగా టాలీవుడ్ స్టార్ ప్రొడ్యూసర్ దిల్ రాజు సమర్పిస్తున్నాడు. మణిశర్మ సంగీతం అందిస్తుండగా ఈ సినిమా కోసం సమంత బల్క్గా డేట్స్ ఇచ్చింది. కాగా ఈ సినిమాకి గుణశేఖర్ భారీ సెట్స్ని నిర్మించగా ప్రస్తుతం ఆ సెట్స్లో శాకుంతలం చిత్రీకరణ జరుగుతోంది.