Tuck jagadish : టాలీవుడ్ సినిమా ఇండస్ట్రీలో మినిమం గ్యారెంటీ హీరోగా పాపులారిటీ తెచ్చుకున్న హీరో నేచురల్ స్టార్ నాని. వి సినిమా ఓటీటీలో రిలీజై యావరేజ్ టాక్ వచ్చినప్పటికి నిర్మాత దిల్ రాజుకి మాత్రం ఎలాంటి నష్టం కలగకుండా దాదాపు 10 కోట్ల వరకు లాభాలు తెచ్చిపెట్టాడు.ఏప్రిల్ 23న నాని నటిస్తున్న లేటెస్ట్ ఫ్యామిలీ అండ్ యాక్షన్ ఎంటర్టైనర్ ”టక్ జగదీష్” విడుదలకి సిద్దంగా ఉంది.ఇందులో రీతూ వర్మ – ఐశ్వర్యా రాజేష్ హీరోయిన్లుగా నటిస్తున్నారని తెలిసిన విషయమే. ఈ సినిమాని సూపర్ హిట్ మూవీస్ ‘నిన్ను కోరి’ ‘మజిలీ’ ని అందించిన శివ నిర్వాణ తెరకెక్కించబోతున్నారు.
రీసెంట్ గా ఈ సినిమా నుంచి రిలీజైన ట్రైలర్,టీజర్ ప్రేక్షకులను బాగా ఆకట్టుకున్న విషయం తెలిసిందే. ఈ సినిమా నుంచి వచ్చిన ‘ఇంకోసారి’ పాట కి కూడా ప్రేక్షకాదరణ లభించింది.ఇదిలా ఉండగా తాజాగా ఈ సినిమా నుంచి మరో పాట ‘కోలో కోలన్న కోలో’ అనే సెకండ్ సాంగ్ ని కూడా రిలీజ్ చేసింది చిత్ర బృందం. ఈ పాటకు థమన్ మ్యూజిక్ అందించగా ప్రముఖ రచయిత సిరివెన్నెల సీతారామశాస్త్రి లిరిక్స్ ని రాశారు. ‘కోలో కోలన్న కోలో.. కొమ్మలు కిలకిలా నవ్వాలి.. కోవెల్లో వెలిగే జ్యోతులు కళ్ళల్లో కొలువుండాలి’ అంటూ సాగే ఈ పాట మనసుకు ఎంతో హాయి గొలుపుతుందని భావిస్తున్నారు. ఈ పాటకు గాను ప్రాణం పోసేందుకు అర్మాన్ మాలిక్ – హరిణి – శ్రీకృష్ణ – థమన్ కలిసి వారి గాత్రాన్ని కలిపారు.అయితే ఈ పాటలో ఒక ప్రత్యేకత లేకపోలేదు.
Tuck jagadish : టక్ జగదీష్ ఫెస్టివల్ మూడ్ ని క్రియేట్ చేస్తుందా…?
అదేమిటంటే ఇందులో కుటుంబ విలువల గురించి అన్నదమ్ముల మధ్య అనుబంధం ఆప్యాయతలు గురించి చెప్పకనే చెప్పారు.విలేజ్ బ్యాక్ డ్రాప్ లో ఈ సినిమా రూపుదిద్దుకుంటునందుకు ఫ్యామిలీతో కలసి ఈ సినిమాను ఎంజాయ్ చేసే అవకాశం దక్కుతుందని అందరు భావిస్తున్నారు. మొత్తం మీద టక్ జగదీష్ ఫెస్టివల్ మూడ్ ని క్రియేట్ చేస్తుందనడంలో ఎలాంటి సంశయమే లేదు అనే మాట వినిపిస్తుంది.ఇదిలా ఉండగా ఈ సినిమాలో జగపతి బాబు – నాజర్ – డేనియల్ బాలాజీ – ప్రియదర్శి – తిరువీర్ – రోహిణి – ప్రవీణ్ తదితరులు నటిస్తున్నారు.సమ్మర్ లో విడుదల కానున్న ఈ సినిమా షైన్ స్క్రీన్స్ బ్యానర్ పై సాహు గారపాటి – హరీష్ పెద్ది కలిసి నిర్మిస్తున్నారు.
