రకుల్ ప్రీత్ సింగ్ ఈ మధ్యకాలంలో అందాల భామ సోషల్ మీడియాలో తెగ హైలెట్ అవుతోంది. సినిమాలు పెద్దగా లేకపోయినా రకుల్ ప్రీత్ సింగ్ కి సంబంధించిన ఏ చిన్న వార్త తెలిసినా నెట్టింట్లో తెగ వైరల్ అవుతూనే ఉంది. ఏ మీడియాలో చూసినా Rakul preeth singh ప్రేమాయణానికి సంబంధించినా వార్తలే చక్కర్లు కొడుతున్నాయి. బీటౌన్ యువ హీరో సిద్ధార్థ్ మల్హోత్రా , Rakul preeth singh ల మధ్య అఫైర్ సాగుతోందని గత కొంత కాలంగా బీటౌన్లో పుకార్లు షికారు చేస్తున్నాయి. ఆలియాతో బ్రేకప్ తరువాత సిద్ధు లస్ట్ స్టోరీస్ కోస్టార్ కియారాతో అఫైర్ నడిపించాడని ఇండస్ట్రీలో గుసగుసలు వినిపించాయి. ఇదే క్రమంలో సిద్ధార్థ్ మల్హోత్రా తో కలిసి Rakul preeth singh ఒకే సినిమా చేసినా…వీరిద్దరి కెమిస్ట్రీ చూసి ఏదో చక్కర్ నడుస్తోందని సోషల్ మీడియా మొత్తం కోడై కూసింది.
టాలీవుడ్ లో పెద్దగా అవకాశాలు లేకపోవడంతో బాలీవుడ్ బాట పడుతున్న Rakul preeth singh ఛాన్సుల కోసం యువ హీరోలతో చెట్టాపట్టాలేసుకుని షికార్లు చేస్తోందన్న వార్తలు ఆ మధ్యలో సోషల్ మీడియాలతో తెగ హల్ చల్ చేశాయి. దీనికి ఆజ్యం పోసేలా తాజాగా మరోసారి సిద్ధార్థ్ మల్హోత్రా తో జోడి కట్టే ఛాన్స్ కొట్టేసింది ఈ భామ. బీటౌన్ లో రెండో సారి అదే జోడీ తో మరో సినిమా తెరకెక్కించేందుకు సన్నాహాలు సాగుతున్నాయి. అందులోనూ Rakul బాలీవుడ్ గురు అజయ్దేవగన్ తో కలిసి అన్నదే ఇప్పుడు హాట్ టాపిక్ గా మారింది. ప్రస్తుతం Rakul preeth singh, అమితాబ్ బచ్చన్, అజయ్ దేవగన్ కాంబోలో తెరకెక్కనున్న మేడే సినిమా షూటింగ్ లో పాల్గొంటోంది. ఈ సినిమా చిత్రీకరణ అంతా ఇప్పుడు రామోజీ ఫిల్మ్ సిటీలో కొనసాగుతోంది.
ఈ టైంలోనే మరో బంపర్ ఆఫర్ కొట్టేసింది Rakul preeth singh. Ajay devagan, సిద్ధార్థ్ మల్హోత్రా కాంబినేషన్ లో తెరకెక్కకున్న థాంక్ గాడ్ అనే భారీ ప్రాజెక్టులో నటించేందుకు అమ్మడు సంతకం కూడా చేసింది. ఈ మూవీని టీ సీరీస్ వారు నిర్మిస్తున్నారు. ఈ మూవీ త్వరలోనే సెట్ పైకి ఎక్కనుంది. అయితే ఒకే జోడి ఇలా పదే పదే వరుసపెట్టి సినిమాలు చేస్తుండటంతో బీటౌన్ మీడియా లో వీరిద్దరి మధ్య ఏదో నడుస్తోందని ఓ రేంజ్లో రూమర్స్ వస్తున్నాయి. వీరిద్దరి గురించి కథలు కథలు వైరల్ వీడియోస్ ప్రత్యక్షమవుతున్నాయి. అయితే Rakul preeth singh మాత్రం సిద్ధు నాకు మంచి స్నేహితుడని చెప్పుకొస్తోంది. అసలు ఈ సినిమా ఒప్పుకున్నందుకే రకుల్ ప్రీత్ సింగ్ పై ఇన్ని రూమర్స్ వస్తున్నాయని అభిమానులు అంటున్నారు.