కరోనా పేరు వింటే చాలు గజ్జున వణికిపోయే వారు చాలా మందే ఉన్నారు. కాని నేడు ఆ పరిస్థితి పూర్తిగా భిన్నంగా మారింది. కరోనా ఎంట్రీ ఇచ్చిన మొదట్లో ఎన్ని జాగ్రత్తలు పాటిస్తూ పరిశుభ్రంగా ఉండేవారు. అవతలి వ్యక్తితో మాట్లాడాలంటే ఆమడ దూరంలో ఉండేవారు. కాని నేడు ఆ పరిస్థితి కనుచూపుమేరలో కూడా కనిపించకపోవడం దుర ధృష్ట కరం. వైద్యులు, నిపుణులు ఎంత హెచ్చరించినా కాని జనాల్లో మాత్రం మార్పు కనిపించడం లేదు. వస్తే రాని అని నిర్లక్ష్యంగా ప్రవర్తిస్తూ ప్రాణాల మీదకు తెచ్చుకుంటున్నారు.
అదీ కాక చలికాలం వచ్చిందంటే చాలు చాలా మందిని సీజనల్ వ్యాధులు బాధిస్తుంటాయి. ఇదిలా ఉండగా చలికాలంలో ఈ కరోనా మహమ్మారీ మరింత విజృంభించే అవకాశాలున్నాయని వైద్యులు, నిపుణులు ప్రజలను అప్రమత్తం చేస్తున్నారు. దానితో ప్రజలు మరింత భయబ్రాంతులకు గురవుతున్నారు. కాని ఈ కరోనా వైరస్ కు విజృంభించడానికి ప్రధాన కారణం వాతావరణ మార్పులు ఏ మాత్రం కాదని తాజాగా ఓ పరిశోధనలో తేలింది.
ఈ కరోనా వ్యాప్తి కేవలం మనుషుల అజాగ్రత్త వల్లే విజృం బిస్తున్నదని ఈ అధ్యయనం స్పష్టం చేసింది. అస్టిన్లోని యూనివర్సిటీ టెక్సాస్ పరిశోధకులు వాతావరణ మార్పుల మూలంగా కరోనా వ్యాప్తి ఎలా ఉంటుందని పరిశోధనను మొదలు పెట్టారు. దాంట్లో భాగంగానే సైంటిస్టులు షాకింగ్ విషయాలను వెళ్లడించారు. కరోనా వైరస్ ను విజృంభణ లో వాతావరణం ఏ మాత్రం కారణం కాదని స్పష్టం చేశారు. వైరస్ వ్యాప్తి కేవలం మనుషుల నిర్లక్ష్యం మూలంగా అధికమవుతుందని స్పష్టం చేశారు. వాతావరణం మూలంగా కరోనా వ్యాప్తి అధికం కాదని స్పష్టం చేశారు.
ఈ విషయాన్ని యూటీ అస్టిన్ జాక్సన్ స్కూల్ ఆఫ్ సైన్సెన్ అండ్ కోక్రెల్ స్కూల్ ఆఫ్ ఇంజనీరింగ్ ప్రొఫెసర్ టీమ్ లీడర్ దేవ్ నియోగి స్పష్టం చేశారు. ఇళ్లల్లో కంటే బయటే కరోనా వ్యాప్తి 34 నుంచి 26 శాతం ఎక్కువగా ఉంటుందని పరిశోధకులు వెళ్లడించారు. మరీ ముఖ్యంగా జనావాసాల్లో భౌతిక దూరం పాటించకపోవడం, మాస్కులు ధరించకపోవడం, పరిశుభ్రత పాటించకపోవడం వలన కరోనా వ్యాప్తి మరింత పెరిగే అవకాశాలున్నాయిని పరిశోధకులు తెలుపుతున్నారు.
