సుకుమార్, స్టైలిష్ స్టార్ అల్లు అర్జున్ కాంబినేషన్ లో తెరకెక్కుతున్న సినిమా “పుష్ప”. ఈ సినిమాతో అల్లు అర్జున్ పాన్ ఇండియన్ స్టార్ గా క్రేజ్ సాధించడానికి ట్రై చేస్తున్నాడు. ఇక సుకుమార్, అల్లు అర్జున్ ల హ్యాట్రిక్ సినిమా కావడం కూడా విశేషం. ఈ సినిమా ని మొత్తం 5 భాషల్లో ఒకేసారి విడుదల చేయనున్నారు. అల్లు అర్జున్ కి జంటగా రష్మిక మందన్న నటిస్తుంది.
ఇక ఈ సినిమాకి రాక్ స్టార్ దేవీశ్రీ ప్రసాద్ సంగీతమందిస్తున్నాడు. గత కొంతకాలంగా దేవీ ఇచ్చే మ్యూజిక్ లో కిక్ ఉండటం లేదు. ఈ విషయంలో ఫ్యాన్స్ బాగా డిసప్పాయింట్ అవుతున్నారు. అందుకే మళ్ళీ దేవీశ్రీప్రసాద్ ఈ సినిమాతో తన మార్క్ మ్యూజిక్ తో సూపర్ ఆల్బం ఇవ్వాలనుకుంటున్నాడు. ఇప్పటికే పుష్ప సినిమా కోసం కొన్ని అద్భుతమైన ట్యూన్స్ రెడీ చేశాడట. ముఖ్యంగా ఈ సినిమాలో ఉన్న ఐటం సాంగ్ కి యూత్ మాత్రమే కాదు 60 ఏళ్ళ వాళ్ళు కూడా ఊగిపోయో సాంగ్ ని సిద్దం చేస్తున్నాడట.
ఇక ఈ సాంగ్ లో నర్తించబోయోది బాలీవుడ్ హాట్ బ్యూటీ ఊర్వశి రౌతెలా అన్న ప్రచారం జరిగింది. దాదాపు అందరూ తనే అని ఫిక్సైయ్యారు కూడా. కాని తాజా సమాచారం ప్రకారం ఊర్వశి రౌతెలా ఈ సినిమాలో సాంగ్ చేయడం లేదని తెలుస్తుంది.
అందుకు కారణం ఊర్వశి రౌతెలా టాలీవుడ్ లో హీరోయిన్ గా నటిస్తుండటమే. సంపత్ నంది దర్శకత్వ పర్యవేక్షణలో ఒక సినిమా స్టార్ట్ అయింది. ‘బ్లాక్ రోజ్’ అన్న టైటిల్ తో తెరకెక్కుతున్న ఈ సినిమాలో ఊర్వశి రౌతల హీరోయిన్ గా నటిస్తుంది. రీసెంట్ గా షూటింగ్ ప్రారంభమయిన ఈ సినిమా కి మోహన్ భరద్వాజ్ దర్శకత్వం వహిస్తున్నాడు.
దాంతో ఇన్నాళ్ళు పుష్ప సినిమాలో ఉన్న ఐటం సాంగ్ తో టాలీవుడ్ కి వస్తుందనుకున్న ఊర్వశి రౌతెల మరో సినిమాతో హీరోయిన్ గా ఎంట్రీ ఇవ్వడం గొప్ప విషయమే అని చెపాలి. అయితే కొందరు స్క్రిప్ట్ విషయం లో ఊర్వశి రౌతెలా కి ఏదన్నా సందేహం ఉందా.. అందుకే పుష్ప సినిమాకి నో చెప్పిందా.. అన్నది ఇప్పుడు అందరు మాట్లాడుకుంటున్నారు.