Chiranjeevi : జనసేన పార్టీలో చిరంజీవి జాయిన్ అవుతున్నట్లు ఆ పార్టీ కీలక నేత నాదెండ్ల మనోహర్ అధికారికంగా ప్రకటించడం ఏపీ రాజకీయాల్లో సంచలనం సృష్టించింది.
రాజకీయాల్లో పవన్ కళ్యాణ్ కి అండగా ఉండటానికి చిరంజీవి పార్టీలోకి వస్తున్నట్లు నాదెండ్ల కీలక కామెంట్ చేయడం జరిగింది. ఇదిలా ఉండగా చిరంజీవి పార్టీలో జాయిన్ అవ్వడానికి అసలు కారణం తిరుపతి ఉప ఎన్నిక అదే విధంగా పంచాయతీ ఎన్నికలు అనే టాక్ వస్తోంది. కావాలనే జనసేన పార్టీకి చెందిన కీలక నేతలు చిరంజీవి పొలిటికల్ రీఎంట్రీ తో స్ట్రాటజీ ఉపయోగిస్తున్నారని ఏపీ రాజకీయాల టాక్ వస్తోంది. వాస్తవానికి చిరంజీవి రాజకీయాలతో విసిగిపోయారు. ప్రస్తుతం ప్రశాంతంగా సినిమాలు చేసుకుంటున్నారు. ఇలాంటి తరుణంలో ఆయన పేరు బయటకు తీసుకురావడం వెనకాల అసలు కారణం తిరుపతి ఉప ఎన్నిక అదేవిధంగా పంచాయతీ ఎన్నికలే అని విశ్లేషిస్తున్నారు.
జనసేన పార్టీ పరిస్థితి చూస్తే క్షేత్ర స్థాయి నుండి గ్రామ స్థాయి వరకు పెద్ద కేడర్ కూడా ఏమీ లేదు. రాష్ట్రంలో సొంతంగా అధికారంలోకి వచ్చే అంత సీను కూడా లేదు. పైగా గత ఎన్నికలలో పోటీ చేసిన పార్టీ అధినేత పవన్ కళ్యాణ్ రెండు చోట్ల ఓడిపోయారు. ఇలాంటి తరుణంలో ఫెయిల్ అయిపోయిన పార్టీలోకి చిరంజీవి వస్తున్నారని ఆ పార్టీ కీలక నేతలు కామెంట్లు చేయటం వెనకాల అసలు కారణం జరగబోయే ఎన్నికలలో పార్టీ కార్యకర్తలు మరియు అభిమానుల ఓట్ వేరే పార్టీ వైపు డైవర్ట్ కాకుండా ముందు జాగ్రత్త తీసుకోవటమే అనే టాక్ వస్తోంది. ఏది ఏమైనా సరిగ్గా పంచాయతీ ఎన్నికలు మరియు తిరుపతి ఉప ఎన్నికల టైంలో చిరంజీవి పేరు జనసేన పార్టీ తెరపైకి తీసుకురావడం ఏపీ రాజకీయాల్లో పెను సంచలనం సృష్టించింది.
Lok Sabha Elections 2024: ప్రధాని మోడీ వివాదాస్పద వ్యాఖ్యలు .. ఫిర్యాదులపై ఈసీ పరిశీలన..?