Trivikram : మాట మాంత్రీకుడు త్రివిక్రమ్ శ్రీనివాస్ ఓ యంగ్ డైరెక్టర్ ని తొక్కేస్తున్నాడా..ప్రస్తుతం ఇదే టాక్ అంతటా వినిపిస్తోంది. సాధారణంగా ఒక సినిమాకి ఒక దర్శకుడే పనిచేస్తాడు. సినిమాకి దర్శకుడే కెప్టెన్. ఆయన ఏం చెబితే అది జరగాలి. కానీ పవన్ సినిమాకి ఇద్దరు దర్శకులు పని చేస్తున్నారు. వారే యంగ్ డైరెక్టర్ సాగర్ కె చంద్ర, త్రివిక్రమ్. ఇక్కడే పెద్ద సమస్య వచ్చిందని చెప్పుకుంటున్నారు. పవర్ స్టార్ పవన్ కళ్యాణ్ హీరోగానే కాక కథకుడిగా, దర్శకుడిగా, డాన్స్ కంపోజర్ గా, యాక్షన్ కొరియోగ్రాఫర్ గా, నిర్మాతగా కూడా మంచి పట్టు ఉన్న వ్యక్తి.
ఆయనకి కూడా కథ, స్క్రీన్ ప్లే రాయడం బాగా తెలుసు. అందుకే అంత ఈజీగా ఆయనకి కథ నచ్చదు. ఒకవేల గ్రీన్ సిగ్నల్ ఇచ్చాడంటే ఆ దర్శకుడి దగ్గర చాలా టాలెంట్ ఉండి ఉంటుంది. అందుకే ఇండస్ట్రీలో చాలా తక్కువ మంది మాత్రమే పవన్ కి దగ్గరవుతారు. అలా అయిన వ్యక్తే దర్శక, రచయిత త్రివిక్రమ్. వీరిద్దరి కాంబినేషన్ లో ‘అజ్ఞాతవాసి’ సినిమా వచ్చి పెద్ద డిజాస్టర్ గా మిగిలింది. మళ్ళీ వీరి కాంబోలో సినిమా రాలేదు. కానీ ఇప్పుడు తెరకెక్కుతున్న మలయాళ హిట్ సినిమా ‘అయ్యప్పనుం కోషీయం’ తెలుగు రీమేక్ కోసం కలిశారు.
Trivikram : సీనియర్ డైరెక్టర్ కాబట్టి గట్టిగా ఏమీ చెప్పలేకపోతున్నాడని ఇండస్ట్రీ వర్గాలలో చెప్పుకుంటున్నారు.
పేరుకి ఈ సినిమా రీమేక్ అయినా కూడా ఈ మూవిని త్రివిక్రమ్ భుజాల మీద మోస్తున్నాడు. దీనికి స్క్రిప్టు అండ్ డైలాగ్స్ త్రివిక్రమ్ ఇచ్చాడు. దర్శకుడుగా సాగర్ కె చంద్ర వ్యవహరిస్తున్నాడు. అయితే ఈ యంగ్ డైరెక్టర్ ని త్రివిక్రమ్ బాగా డామినేట్ చేస్తున్నాడట. సెట్ లో తప్పకుండా త్రివిక్రమ్ ఉంటూ ఆయన పర్యవేక్షణలో షూటింగ్
సాగుతుందట. ఒకరకంగా చిత్రీకరణలో త్రివిక్రమ్ ఇన్వాల్మెంట్ ఎక్కువగా ఉందని చెప్పుకుంటున్నారు. అంతేకాదు ఈ సినిమా హిట్ అయితే మాత్రం ఆ క్రెడిట్ త్రివిక్రమ్ కే దక్కుతుందని.. డైరెక్టర్ అయిన సాగర్ కె చంద్రకి ఈ మూవీ క్రెడిట్ రాకపోవచ్చునని టాక్ వినిపిస్తోంది. ఆయన కూడా సీనియర్ డైరెక్టర్ కాబట్టి గట్టిగా ఏమీ చెప్పలేకపోతున్నాడని ఇండస్ట్రీ వర్గాలలో చెప్పుకుంటున్నారు.
Tenant OTT Release: ఓటీటీ సినిమాని థియేటర్లలో రిలీజ్ చేస్తున్న కమెడియన్.. క్లారిటీ ఇస్తూ కామెంట్స్..!