Venkatesh: టాలీవుడ్ సినిమా ఇండస్ట్రీలో ఎక్కువగా రీమేక్ సినిమాలు చేసి బ్లాక్ బస్టర్ కొట్టే హీరో ఎవరైనా ఉన్నారంటే అది విక్టరీ వెంకటేశ్ మాత్రమే అని చెప్పాలి. కెరీర్ ప్రారంభం నుంచి వెంకీకి బాగా సక్సెస్‌లు వచ్చింది ఈ రీమేక్ సినిమాలతోనే. రాజా, వసంతం లాంటి సినిమాల దగ్గర్నుంచి ఈ ఏడాది వచ్చిన తమిళ బ్లాక్ బస్టర్ అసురన్ రీమేక్ నారప్ప, మలయాళంలో మోహన్ లాల్ నటించిన సూపర్ హిట్ సీక్వెల్ దృశ్యం 2వరకు చూసుకుంటే వెంకీ చాలా సినిమాలనే రీమేక్ చేశాడు. వాటిలో ఎక్కువ శాతం సినిమాలు బ్లాక్ బస్టర్ సాధించినవే.
కరోనా కారణంగా థియేటర్స్‌లో రిలీజ్ చేసి రిస్క్ చేయడం ఎందుకని అమెజాన్ ప్రైమ్ వీడియోస్‌లో నారప్ప, దృశ్యం2 సినిమాలను రిలీజ్ చేశారు. ఓటీటీలోనూ ఈసినిమాలను ప్రేక్షకులు బాగా ఆదరించారు. ఈ రెండు సినిమాలు మంచి లాభాలను తీసుకొచ్చాయి. ఇప్పుడు ఇదే క్రమంలో వెంకటేశ్ మరో మలయాళ సూపర్ హిట్ సినిమాను రీమేక్ చేసే ఆలోచనలో ఉన్నాడట. 2019లో మలయాళంలో వచ్చి బ్లాక్ బస్టర్ సాధించిన సినిమా ‘డ్రైవింగ్ లైసెన్స్’. ఈ సినిమాలో పృథ్వీరాజ్ – సూరజ్ ప్రధాన పాత్రలలో నటించారు.
Venkatesh: ఇదే సినిమా వెంకటేశ్ తన తదుపరి సినిమా.
ఇదే సినిమా వెంకటేశ్ తన తదుపరి సినిమాగా రీమేక్ చేయాలని ఆలోచనలో ఉన్నాడట. ప్రస్తుతం అనిల్ రావిపూడి దర్శకత్వంలో మల్టీస్టారర్‌గా ఎఫ్ 3 సినిమా తెరకెక్కుతోంది. ఎఫ్ 2 సినిమాకు సీక్వెల్‌గా రూపొందుతున్న ఇందులో మెగా ప్రిన్స్ వరుణ్ తేజ్ మరో హీరోగా నటిస్తున్నారు. ఈ సినిమాను దిల్ రాజు తన శ్రీ వెంకటేశ్వర క్రియేషన్స్ బ్యానర్‌లో నిర్మిస్తున్నారు. మిల్కీ బ్యూటీ తమన్నా వెంకటేశ్ సరసన హీరోయిన్‌గా నటిస్తోంది. ఇక వరుణ్ తేజ్ సరసన మెహ్రీన్ హీరోయిన్‌గా నటిస్తోంది. 2022 ఫిబ్రవరిలో భారీ ఎత్తున రిలీజ్ కానుంది. కాగా త్వరలో ‘డ్రైవింగ్ లైసెన్స్’ తెలుగు రీమేక్‌లో అఫీషియల్‌గా నటించే అవకాశాలున్నాయి అంటున్నారు.
Lok Sabha Elections 2024: ప్రధాని మోడీ వివాదాస్పద వ్యాఖ్యలు .. ఫిర్యాదులపై ఈసీ పరిశీలన..?