ముక్కు అవినాష్… జబర్దస్త్ అవినాష్.. బిగ్ బాస్ అవినాష్.. పేరు ఏదైనా.. అవినాష్ పేరు చెబితే చాలు ఎంటర్ టైన్ మెంట్ కు కేరాఫ్ అడ్రస్ గా నిలుస్తాడు. జబర్దస్త్ షోతో ఓ వెలుగు వెలిగిన కమెడియన్ అవినాష్. జబర్దస్త్ షోతో తనలో ఉన్న టాలెంట్ ను ప్రేక్షకులకు పరిచయం చేశాడు. తర్వాత బిగ్ బాస్ హౌస్ లోకి ఎంట్రీ ఇవ్వడం.. పెద్ద సెలబ్రిటీ అయిపోవడం చకచకా జరిగిపోయాయి.
అవినాష్ బిగ్ బాస్ హౌస్ లో ఉండి అందరినీ బాగానే నవ్వించాడు. ఎంటర్ టైనర్ ఆఫ్ ది ఇయర్ అనే టైటిల్ ను కూడా గెలచుకున్నాడు. అందరినీ నవ్వించే అవినాష్ వెనుక మాత్రం ఎంతో బాధ ఉంది. అన్నం పెట్టే జబర్దస్త్ ను వదిలేయడం.. అగ్రిమెంట్ ను బ్రేక్ చేసినందుకు తెలిసిన వాళ్ల దగ్గర అప్పు చేసి 10 లక్షలు కట్టి మరీ.. బిగ్ బాస్ హౌస్ లోకి వచ్చాడు. దీని వల్ల జబర్దస్త్ నుంచి శాశ్వతంగా బయటికి వచ్చినట్టే.
నిజానికి అవినాష్ కు ఇప్పుడు మళ్లీ ఆఫర్ వచ్చినా జబర్దస్త్ కు వెళ్లాలని ఉందట. కానీ.. జబర్దస్త్ కు వెళ్లాలంటే ముందు బిగ్ బాస్ అగ్రిమెంట్ పూర్తికావాలి.. అంటూ చెప్పుకొచ్చాడు అవినాష్. సాధారణంగా బిగ్ బాస్ హౌస్ లోకి వెళ్లకముందే మాటీవీ వాళ్లతో అగ్రిమెంట్ ఉంటుందట. సంవత్సరం వరకు వేరే చానెల్ లో ఎటువంటి షోలు చేయొద్దంటూ అగ్రిమెంట్ రాయించుకుంటారట. స్టామాటీవీలోనే పలు షోలలో పాల్గొనేందుకు అవకాశం ఇస్తారట. అవినాష్ కు మరో 6 నెలల వరకు వేరే చానెల్ లో ఎటువంటి ఎంటర్ టైన్ మెంట్ ప్రోగ్రామ్ చేయకుండా అగ్రిమెంట్ ఉందట. ఒకవేళ జబర్దస్త్ వాళ్లు పిలిచినా.. ఇప్పుడు వెళ్లడం కష్టం. ఒక ఆరునెలల వరకు మాత్రం స్టార్ మాలోని ప్రోగ్రామ్స్ లోనే పార్టిసిపేట్ చేస్తా.. అంటూ అవినాష్ చెప్పుకొచ్చాడు.
