ప్రస్తుతం తెలుగు చానెళ్లలో కామెడీ షోలకు ఉన్న పాపులారిటీ దేనికి లేదు. వాటిదే హవా. అందుకే ప్రారంభమై 7 ఏళ్లు అయినా ఇంకా జబర్దస్త్ కు ఆదరణ లభిస్తోంది. జబర్దస్త్ కు పోటీగా ఎన్ని కామెడీ షోలు వచ్చినా.. జబర్దస్త్ ను మాత్రం దాటలేకపోతున్నాయి. జబర్దస్త్ కామెడీ షోకు తెలుగు రాష్ట్రాల్లో ఉన్న పాపులారిటీ అటువంటిది.
ఇక జబర్దస్త్ అంటే గుర్తుకొచ్చేది హైపర్ ఆది, సుడిగాలి సుధీర్, అదిరే అభి లాంటి స్కిట్ లు. వాళ్ల స్కిట్లు చూసి నవ్వలేక చావాల్సిందే. తాజాగా విడుదలైన ప్రోమో చూస్తే కూడా నవ్వలేక ఉండలేం.
అయితే.. తాజా ప్రోమోలో అదిరే అభిపై జడ్జి రోజా జబర్దస్త్ పంచ్ వేసింది. అభి స్కిట్ లో భాగంగా.. ఓ కంటెస్టెంట్ అన్నా.. నేను పెళ్లి చేసుకుంటా.. అని అనే సరికి.. జీవితం సంకనాకిపోతదిరా.. అని అభి అంటాడు. వెంటనే రోజా అందుకొని అనుభవంతో చెబుతున్నాడు అనే సరికి అభి నోట మాట రాలేదు. వెంటనే తన డైలాగ్స్ కూడా మరిచిపోయాడు. తన డైలాగ్స్ మరిచిపోయి.. ఏదేదో చెప్పేశాడు అభి. మళ్లీ కాసేపు ఆగి తన స్కిట్ ను స్టార్ట్ చేశాడు.
అయితే రోజా కంటెస్టెంట్లపై పంచులు వేయడం ఇదే కొత్తేమీ కాదు. హైపర్ ఆది, సుడిగాలి సుధీర్, వెంకీ అండ్ మంకీస్ స్కిట్లలోనూ ఇలాగే రోజా మధ్యలో దూరి పంచులు వేస్తుంటుంది. అయితే.. అదిరే అభికి వేసిన పంచ్ మాత్రం మామూలుగా లేదు.. అదిరిపోయింది.. అంటూ నెటిజన్లు కామెంట్లు చేస్తున్నారు.
దానికి సంబంధించిన ప్రోమోను మీరు కూడా చూసేయండి..
