Jabardasth : హైపర్ ఆది గురించి ప్రత్యేకంగా మాట్లాడుకోవాల్సిన అవసరం లేదు. జబర్దస్త్ Jabardasth అంటేనే హైపర్ ఆది.. హైపర్ ఆది అంటేనే జబర్దస్త్. హైపర్ ఆదికి ఉన్నంత క్రేజ్ ఇంకెవరికీ లేదు. అందుకే జబర్దస్త్ లో హైపర్ ఆదికి అంత ఫ్రీడమ్ ఇస్తారు. అంత ప్రాధాన్యత ఇస్తారు. హైపర్ ఆది స్కిట్ కోసమే చూసే ప్రేక్షకులు కోకొల్లలు. జడ్జిలు, యాంకర్ అనసూయ కూడా హైపర్ ఆది స్కిట్ కోసమే వేచి చూస్తుంది.
యాంకర్ అనసూయను తమ స్కిట్లలో చేయాలంటూ చాలామంది రిక్వెస్ట్ చేస్తారు కానీ.. తను పెద్దగా వేరే టీమ్ లను పట్టించుకోదు. కేవలం ఆది స్కిట్లలో మాత్రమే చేస్తుంటుంది అనసూయ. దానికి కారణం హైపర్ ఆదికి అనసూయ మీద ఉన్న ప్రేమ. అవును.. అనసూయ అంటే హైపర్ ఆది పడి చచ్చిపోతాడు. కానీ.. అనసూయకు పెళ్లయిపోయింది కాబట్టి.. ఏదో సరదాగా అలా ఇష్టం ఉన్నట్టు స్కిట్లలో నటిస్తుంటాడు.
Jabardasth Hyper Aadi స్కిట్ లో అనసూయ
అనసూయ కూడా హైపర్ ఆది స్కిట్లలోనే ఎక్కువగా చేస్తుంటుంది. తాజాగా విడుదలైన ప్రోమో చూస్తే వచ్చే ఎపిసోడ్ లో కూడా అనసూయ హైపర్ ఆది స్కిట్ లో చేసింది. రోబో స్కిట్ ను హైపర్ ఆది టీమ్ ప్రదర్శించింది. రజనీకాంత్ పాత్రలో ఆది చేయగా.. ఐశ్వర్యరాయ్ పాత్రలో అనసూయ చేసింది. రోబోను తయారు చేయడంలో తలామునకలైన ఆది.. తన భార్య అనసూయను పట్టించుకోవడం మానేస్తాడు. దీంతో అనసూయ అక్కడికి వెళ్లి.. మీరు ఇంటికొచ్చి ఎన్నాళ్లయింది. నాకు ఒక ముద్దు లేదు.. ముచ్చట లేదు.. అంటూ డైలాగ్ చెబుతుంది. దానికి హైపర్ ఆది.. కరువుతో రా మరి.. అంటూ దగ్గరికి రాబోతాడు. దీంతో ఆది.. ఒరిజినల్ డైలాగ్ చెప్పు.. అంటూ బెదిరిస్తుంది. కానీ.. స్కిట్ మధ్యలో ఆది.. తన ఒరిజినల్ క్యారెక్టర్ ను బయటపెడుతుండటంతో తప్పక వెళ్లి తన యాంకర్ సీటులో కూర్చుంటుంది. అయినా వీళ్ల లొల్లి ఎప్పటికీ ఉండేదే కానీ.. మీరైతే ప్రస్తుతానికి ఈ ప్రోమో చూసేయండి.
