బిగ్ బాస్ తెలుగు నాలుగో సీజన్.. ప్రస్తుతం రేటింగ్స్ లో దూసుకుపోతోంది. తెలుగు రాష్ట్రాల్లో ఆ షోకు ప్రస్తుతం చాలా ఆదరణ లభిస్తోంది. షో ప్రారంభంలో కాస్త అటూఇటూ ఉన్నా… రాను రాను షోకు ఆదరణ పెరిగింది. ప్రేక్షకులు కూడా రాత్రి అయితే చాలు.. టీవీలకు అతుక్కుపోతున్నారు. ఎక్కడ చూసినా బిగ్ బాస్ గురించే చర్చ. ఎవరు ఎలిమినేట్ అవుతారు.. ఎవరు గెలుస్తారు.. ఎవరు ఉంటారు.. అంటూ ముచ్చట్లు పెట్టుకుంటున్నారు. అంతలా జనాల్లోకి పోయింది బిగ్ బాస్ షో.
అయితే.. ఈ షోలో ఈసారి చిన్న మార్పు చోటు చేసుకోబోతోంది. హోస్ట్ నాగార్జున స్థానంలో కొన్ని వీకెండ్ షోల కోసం మరో హోస్ట్ ను తీసుకోబోతున్నారు. నాగార్జునకు ఓ సినిమా షూటింగ్ లో పాల్గొనాల్సి ఉండటంతో తప్పనిసరి పరిస్థితుల్లో ఆయన ఈ షోను కొన్ని రోజుల పాటు తప్పుకోవాల్సి వస్తోంది.
ఈ వీకెండ్ కు మాత్రమే నాగార్జున హోస్ట్ గా రానున్నారు. ఈ వీకెండ్ కు సంబంధించిన ప్రోమోలను కూడా బిగ్ బాస్ నిర్వాహకులు రిలీజ్ చేశారు. సో.. ఈ వారం కాకుండా.. వచ్చే వారం నుంచి నాగార్జున హోస్ట్ గా రారని.. ఆయన ప్లేస్ లో వేరే వాళ్లను తీసుకున్నారని వార్తలు వస్తున్నాయి. అయితే.. నాగ్ స్థానంలో ఎవరిని తీసుకుంటే బాగుంటుందని బిగ్ బాస్ నిర్వాహకులు మేథోమధనం చేశారట. చివరకు జబర్దస్త్ జడ్జి రోజాను ఫిక్స్ చేశారట.
మూడో సీజన్ లోనూ నాగార్జున కొన్ని వీకెండ్స్ లో రాలేదు. అప్పుడు సీనియర్ నటి రమ్యకృష్ణను తీసుకున్నారు. రమ్యకృష్ణ కూడా బాగా షోను రక్తికట్టించింది.
ఈసారి.. రోజాను తీసుకొని సరికొత్త ఎంటర్ టైన్ మెంట్ కు తెరతీయాలని బిగ్ బాస్ నిర్వాహకులు భావిస్తున్నారట. ఇప్పటికే ఆమెను సంప్రదించి.. షోకు ఓకే చేయించినట్టు సమాచారం.
అన్నీ ఓకే అయితే.. వచ్చే శనివారం రాత్రి ప్రసారమయ్యే ఎపిసోడ్ లో నాగ్ బదులు రోజా వచ్చే అవకాశం ఉంది. చూద్దాం మరి.. ఏమౌతుందో..