COVID 19: కోవిడ్ -19 మహమ్మారి మూడవ వేవ్ ఎదుర్కునేందుకు ఆంధ్రప్రదేశ్ ప్రభుత్వం ఇప్పటి నుండే సన్నాహాలు చేస్తోంది. రాష్త్రంలో ఎక్కువ మంది వైద్యులను నియమించడం ద్వారా వారు ఈ వైరస్ ముప్పేట దాడి నుండి ప్రజలని కాపాడాలని చూస్తున్నారు.
మెరుగైన పీడియాట్రిక్ చికిత్సను అందించే ప్రయత్నంలో, ఈ ప్రయోజనం కోసం ఆరోగ్య సంరక్షణ నిపుణులకు శిక్షణ ఇవ్వడానికి రాష్ట్రం ఏర్పాట్లు చేస్తోంది. మంగళవారం, ఆరోగ్య మంత్రి ఆళ్ళ కాళి కృష్ణ శ్రీనివాస్ నేతృత్వంలోని సీనియర్ మంత్రుల బృందం సమావేశమైంది, ఇందులో రాష్ట్ర మంత్రులు బొతస్ సత్యనారయణ, బుగ్గన రాజేంద్రనాథ్ రెడ్డి, కురసాల కన్నబాబు, రాష్ట్ర ప్రభుత్వ సలహాదారు సజ్జల రామకృష్ణారెడ్డి తదితరులు ఉన్నారు.
మంత్రులు, ముఖ్యమంత్రి వై.ఎస్. జగన్ సలహా ప్రకారం రాష్ట్రవ్యాప్తంగా ఆరోగ్య కేంద్రాలను (హెల్త్ హబ్) లని ఏర్పాటు చేయాలని నిర్ణయించుకున్నారు. అదేవిధంగా, ఆరోగ్యశ్రీ పథకం కింద ఉచిత చికిత్సను అందించడంతో సహా అన్ని ప్రభుత్వ ఆసుపత్రులలో పిల్లలకు వైద్య చికిత్స అందించాలని వారు నిర్ణయించారు.
అదేవిధంగా, ముఖ్యంగా 5 సంవత్సరాల కంటే తక్కువ వయస్సు ఉన్న పిల్లలతో ఉన్న తల్లులకు, టీకా డ్రైవ్‌ను వేగవంతం చేయాలని మంత్రులు నిర్ణయించారు. అన్ని రకాల ఔషదాలని అందుబాటులో ఉంచుకునేలా, మూడవ వేవ్ లో ఎలాంటి పరిస్థితిని అయినా ఎదుర్కోవటానికి సిద్ధంగా ఉండాలని సీనియర్ ఆరోగ్య అధికారులను ఆదేశించారు.
బ్లాక్ ఫంగస్ సంక్రమణతో బాధపడుతున్న వారందరికీ మెరుగైన చికిత్స అందించడంపై దృష్టి పెట్టాలని ఆరోగ్య అధికారులకు సూచించబడింది. రాష్ట్రంలో కోవిడ్ కేసులు సంఖ్య తగ్గుతున్నప్పటికీ, ఆరోగ్య మంత్రి మరియు ఇతరులు జాగ్రత్తగా ఉన్నారు. ఒక్క ఆంధ్ర రాష్ట్రం నుండే 2 వేలకు పైగా నల్ల ఫంగస్ కేసులు నమోదయ్యాయి. పిల్లలకు చికిత్స చేయడానికి ఎక్కువ మంది వైద్యులను నియమించడానికి కూడా చర్యలు తీసుకుంటున్నారు.
