ఆంధ్రప్రదేశ్ లోనే జగన్ సర్కార్ కి ఒక వింత సమస్య వచ్చింది. రాష్ట్రంలో అవగాహన లోపం వల్ల మరియు మద్యానికి బానిసైన వ్యక్తులు శానిటైజర్ తాగి మరణిస్తున్నారు. ఇటీవల ప్రకాశం జిల్లాలోని రెండు వేర్వేరు చోట్ల 10 మంది ఇలాగే మృత్యువాత పడడం కలకలం రేపింది. తాజాగా అదే విధంగా కడప లో కూడా ముగ్గురు మృతి చెందారు. దీనిపై స్పందించిన నారా లోకేష్ జగన్ ధనదాహానికి ప్రజలు బలైపోతున్నారని, ప్రకాశం లో పది మంది మృతి చెందడం, కడపలో ముగ్గురు ప్రాణాలు కోల్పోవడం నిజంగా బాధాకరమని ఇవన్నీ సర్కారు హత్యలే అని అన్నారు.
జే టాక్స్ వసూళ్ల కోసం లోపభూయిష్టమైన మద్యం పాలసీని తీసుకువచ్చారని.. చెత్త బ్రాండ్లతోన్ ప్రజల రక్తాన్ని తాగుతున్నారని…. వాటి వల్ల ఆరోగ్యం చెడిపోతుందని లోకేష్ గతంలో అన్నారు. ఇప్పుడేమో అసలు లాజిక్ లేకుండా మళ్లీ జనాలు జగన్ వల్లే శానిటైజర్ తాగి చనిపోతున్నారు అని జగన్ పైకి దీనిని తోయడం చేయడం ఎంతవరకు సమంజసం అన్నది ఇప్పుడు ప్రజల ప్రశ్న.
“ఈ లెక్కన గోదావరి పుష్కరాలలో జరిగిన దారుణమైన ఘటన లో చనిపోయిన వారు అందరినీ చంద్రబాబు చంపేసినట్లా..?”అని వారి ప్రశ్న.”ముందుచూపు లేకుండా అమరావతి రైతుల వద్ద వేల కొలది భూములు లాక్కొని ఇప్పుడు ఈ మూడు రాజధానుల వల్ల ఆత్మహత్య చేసుకున్న రైతుల చావులకి కారణం కూడా చంద్రబాబే నా? లోకేష్ లాజిక్ ప్రకారం అని ప్రశ్నిస్తున్నారు.
అలా చెప్పుకుంటూ పోతే ఈపాటికి చంద్రబాబు తన జీవిత కాలం జైల్లో గడపలసి ఉంటుందని వైసిపి కార్యకర్తలు మరియు అభిమానులు లోకేష్ ను విమర్శిస్తున్నారు. అసలు అర్థం పర్థం లేకుండా మాట్లాడడం లోకేష్ కు అలవాటు అయిపోయిందని… ముఖ్యమంత్రి జగన్ ను ప్రతీ దానిలో ఇరికించేందుకు చూస్తున్నారని వారు సోషల్ మీడియాలో లోకేష్ పై విరుచుకు పడుతున్నారు. మరి వీటన్నిటికి సమాధానమేమిటి లోకేషా?
