RRR : S.S రాజమౌళి ఎంతో ప్రతిష్టాత్మకంగా రూపొందిస్తున్న పాన్ ఇండియన్ సినిమా ఆర్ఆర్ఆర్. ఈ సినిమా షూటింగ్ చివరి దశకు చేరుకుంది. ప్రస్తుతం చివరి పాట కోసం చిత్ర బృందం ఉక్రెయిన్ లో ఉంది. ఈనెల ఆఖరి వరకు ఆర్ఆర్ఆర్ సినిమా షూటింగ్ ను పూర్తి చేసి గుమ్మడికాయ కొట్టబోతున్నారు. ఇక ఆర్ఆర్ఆర్ సినిమా కు సంబంధించిన ముఖ్యమైన సన్నివేశాలు – పాటలను ఈ చివరి షెడ్యూల్ లో చిత్రీకరిస్తున్నారు. ఎన్టీఆర్ – ఒలివియాల కాంబినేషన్ లో కొన్ని ముఖ్యమైన సన్నివేశాలను తెరకెక్కిస్తున్నట్లుగా తాజా సమాచారం. కాగా ఈ సినిమా నుండి రీసెంట్ గా స్నేహితుల దినోత్సవం సందర్బంగా విడుదల అయిన దోస్తీ సాంగ్ బాగా ఆకట్టుకుంది.
కాగా ప్రస్తుతం ఈ సినిమా నుండి రెండవ సాంగ్ కోసం ఎంతో ఆతృతగా అభిమానులు ఎదురు చూస్తున్నారు. మెగా పవర్ స్టార్ రామ్ చరణ్ – యంగ్ టైగర్ ఎన్టీఆర్ ల కాంబినేషన్ లో ఉండే ఈ పాట రిలీజ్ అవుతుందని ప్రతీ ఒక్కరు చూస్తున్నారు. దానికి తగ్గట్టుగా రాజమౌళి బృందం ఓ ప్లాన్ చేస్తున్నట్టు ఇంట్రెస్టింగ్ అప్డేట్ ఒకటి విశ్వసనీయత వర్గాల ద్వారా తెలుస్తోంది. ఆర్ఆర్ఆర్ బృందం ఉక్రెయిన్ నుండి తిరిగి రాగానే రెండవ పాటను విడుదల చేయడానికి సన్నాహాలు చేస్తున్నారని తెలుస్తోంది. కానీ ఈ పాట ఇద్దరు హీరోలకు సంబంధించింది కాదని సమాచారం. చరణ్ పోషిస్తున్న మన్యం వీరుడు రామరాజు పాత్రకి సంబంధించిందని తెలుస్తోంది.
RRR : ఆర్ఆర్ఆర్ మూవీ నుండి వచ్చే ప్రతి అప్ డేట్ సినిమా రేంజ్ ని ఊహకందని విధంగా పెంచుతూనే ఉంటాయట
రామరాజు రామ్ చరణ్ – సీత పాత్ర అయిన ఆలియా భట్ ల మద్య ఉండే పాటను రిలీజ్ చేయనున్నారట. ఆ తర్వాత చిన్న గ్యాప్ తీసుకొని ఎన్టీఆర్ మీద తెరకెక్కించిన పాటను విడుదల చేయబోతున్నారని సమాచారం. ఇక మరికొద్ది రోజుల్లో ఆర్ఆర్ఆర్ సినిమా విడుదలకి సిద్దమవుతున్న సమయంలో చరణ్ – తారక్ మీద తెరకెక్కించిన పాటను వదిలి సినిమా మీద భారీగా అంచనాలను పెంచడానికి రాజమౌళి ప్లాన్ చేస్తున్నారట. ఇక ఆర్ఆర్ఆర్ మూవీ నుండి వచ్చే ప్రతి అప్ డేట్ సినిమా రేంజ్ ని ఊహకందని విధంగా పెంచుతూనే ఉంటాయని.. ఆ రకంగా దర్శక ధీరుడు ప్లాన్ చేస్తున్నారట. ఇక ఈ సినిమా అక్టోబర్ 13న 10 భాషలతో పాటు మిగతా విదేశీ భాషలలోనూ రిలీజ్ చేయనున్నారు.