జనసేన పార్టీ స్థాపించిన తర్వాత మొదటి సారి పొత్తులతో నెట్టుకొచ్చే చేసిన రెండోసారి 2019 ఎన్నికలలో చిత్తు చిత్తుగా ఓడిపోవడం ఆ పార్టీకి చాలా బ్యాడ్ నేమ్ తీసుకొచ్చింది. పైగా పార్టీ పెట్టిన అధ్యక్షుడే పోటీ చేసిన రెండు చోట్లా ఓడిపోవడం కేడర్కు అవమానాన్ని తీసుకు వచ్చినట్లు అయింది. ఇప్పటికీ కూడా జనసేన విషయంలో ప్రత్యర్థులు పవన్ కళ్యాణ్ రెండు చోట్ల ఓడిపోయిన ప్రస్తావన తీసుకు వచ్చి ఎగతాళి చేస్తూ ఉంటారు.
ఇదిలా ఉండగా 2019 ఎన్నికలలో ఓటమి చెందిన తర్వాత బీజేపీ పంచన చేరిన పవన్… ఇప్పుడు తాజాగా తెలంగాణ రాష్ట్రంలో జరగబోయే గ్రేటర్ హైదరాబాద్ ఎన్నికల్లో జనసేన ని పోటీకి దింపడం పట్ల రకరకాల కామెంట్లు వస్తున్నాయి. ఇప్పటివరకు అభ్యర్థుల ఎంపిక కూడా సరైన రీతిలో జరగకపోవడంతో… విమర్శలు వస్తున్నాయి.
గతంలో 2018 వ సంవత్సరం లో తెలంగాణ ముందస్తు ఎన్నికల లో కూడా జనసేన పార్టీ పోటీ చేస్తుందా లేదా అన్న విషయాన్ని… చివరి వరకు చెప్పకుండా పవన్ నోరు మెదపకుండా ఉండటంతో అప్పట్లో అనేక విమర్శలు వచ్చాయి. ఈ క్రమంలో చివరి నిమిషంలో జనసేన పార్టీ పోటీ చేయడం లేదని తెలపడంతో తెలంగాణ జనసేన క్యాడర్ నిరుత్సాహానికి గురి అయింది. ఇదిలా ఉండగా ఇప్పటికే రాజకీయంగా బాగా డ్యామేజ్ అయిన జనసేన పార్టీ ఏమాత్రం పట్టు లేని తెలంగాణ గ్రేటర్ హైదరాబాద్ ఎన్నికల్లో కూడా ఓడిపోతే.. ఫెయిల్యూర్ పార్టీగా జనసేన పార్టీ ప్రజల దృష్టిలో మిగిలిపోతుందని పరిశీలకుల మాట. తెలంగాణలో బిజెపికి బలం ఉన్నా గాని పవన్ క్రేజ్ ప్రకారం జనసేన జరగబోయే గ్రేటర్ ఎన్నికల్లో ఏ మాత్రం స్థానాలు రాకపోతే… రాజకీయంగా మరో వాత జనసేనకి పడినట్లే అని విశ్లేషకులు అంటున్నారు