Japanese: మనలో చాలామంది దీర్ఘాయువుతో సంతోషంగా ఆరోగ్యంగా జీవించాలని అనుకుంటారు. కొంతమంది ఎక్కువ కాలం ఆరోగ్యంగా జీవించాలని ఎన్నో రకాల డైట్ లను ఫాలో అవుతూ ఉంటారు. ప్రస్తుతం మన దేశంలో ఓ మనిషి 60 సంవత్సరాలు ఆరోగ్యంగా జీవించడమే గగనం అయిపోయింది. కానీ జపాన్ దేశంలోని ప్రజల ఆయుష్షు ఇందుకు భిన్నంగా ఉంది. వారు ఎన్నో సంవత్సరాలు చాలా ఆరోగ్యంగా హాయిగా జీవిస్తున్నారు. అయితే వారు ఆలా జీవించడానికి వెనుక చాలానే కారణాలు ఉన్నాయి. పరిశోధకుల అందించిన సమాచారం మేరకు జాపనీస్ జీవన విధానం, సంస్కృతి, జెనెటిక్స్, ఆహారపు అలవాట్లు వంటివి వారి ఆయుర్ధాయం మీద ప్రభావం చుపిస్తున్నాయట.
ముందుగా… జాపనీస్ ఆహారాన్ని కేవలం తగిన మోతాదులోనే తీసుకుంటారట. అంటే… తమ పొట్టని 80% వరకే ఆహారంతో నింపుతారట. ఎక్కువగా ఆహరం తినడం వలన అది కడుపుపై భారాన్ని పెంచుతుంది.ఆహరం కేవలం తగిన మోతాదులో తినడం వలనే వారు ఎక్కువ కాలం జీవిస్తున్నారన్నమాట.
ఇక రెండవది…. జాపనీస్ పరిశుభ్రత మరియు విస్తృతమైన హెల్త్కేర్ సిస్టమ్ ను ఫాలో అవుతారట. జపాన్ లో చిన్న పిల్లలకు టీకాలు వేయించడం తప్పనిసరి. జపాన్ ప్రభుత్వం అక్కడి ప్రజలకు ఆరోగ్యకరమైన జీవన శైలిని గురించి అవగాహనా కార్యక్రమాలు నిర్వహిస్తారట. అంతేకాకుండా జాపనీస్ అధిక పరిశుభ్రతను పాటిస్తారు. అక్కడి వాతావరణం చాలా ఆహ్లాదకరంగా ఉంటుంది.
ఇక మూడవది…. జాపనీస్ ఎక్కువగా నెమ్మదిగా తినే ఆహార శైలిని అనుసరిస్తారు. అంతేకాకుండా వారు ఒకేసారి ఒకే ప్లేట్లో కాకుండా వేర్వేరు చిన్న చిన్న బౌల్స్లో ఆహారాన్ని తీసుకుంటూ ఉంటారు. జాపనీస్ ఎక్కువగా తమ తమ కుటుంబ సభ్యులతో నేలపై కూర్చుని భోజనం చేస్తారట. అలాగే భోజనం చేసేటప్పుడు వారు ఎలక్ట్రానిక్ గాడ్జెట్స్ కి దూరంగా ఉంటారట.