Joe Biden : అమెరికా మాజీ అధ్యక్షుడు డొనాల్డ్ ట్రంప్ వెళ్తూవెళ్తూ విదేశీయులు, విదేశీ నిపుణుల హెచ్1బీ హెచ్4 వీసాదారుల ఉద్యోగాలు ఊడిపోయే లాగా నిర్ణయాలు తీసుకున్నారు. ఇప్పుడు కొత్త అధ్యక్షుడు జో బైడెన్ ఆ వివాదాస్పద నిర్ణయాలను సమీక్షించి వాటిని ఒక్కొక్కటిగా పక్కన పెడుతున్నారు. తాజాగా బైడెన్ తీసుకున్న నిర్ణయం లో భాగంగా హెచ్1బీ వీసాదారులకు భాగస్వాములకు భారీ ఊరట కలిగింది. ఈ నిర్ణయం భారతీయ ఐటి నిపుణులకు ఎంతో ప్రయోజనకరంగా మారింది.
తాజాగా అమెరికా లో హెచ్1బీ వీసాదారుల భార్య/భర్త తో పాటు 21 సంవత్సరాల లోపు పిల్లలకు అమెరికా పౌరసత్వం వలస సేవల సంస్థ హెచ్4 వీసా జారీ చేయాలని నిర్ణయించుకున్నారు. గతంలో 2015 లో అప్పటి అధ్యక్షుడు బరాక్ ఒబామా ఇలాంటి హెచ్4 వీసా లకు అనుమతినిచ్చారు. ఇక టంప్ అధికారంలోకి వచ్చాక ఈ విధానం పై తీవ్రమైన ఆంక్షలు విధించిన విషయం తెలిసిందే. విదేశీ మహిళలకు పని అనుమతులను రద్దు చేయడమే కాకుండా అమెరికాలో నివాసముంటున్న విదేశీయుల భాగస్వాములకు ఉద్యోగం కరువు అయ్యేలా చేశారు.
Joe Biden ది డెమోక్రెటిక్ పాలన..!
దీంతో విదేశీయులు తీవ్ర ఇబ్బందులు పడ్డారు. ఇక ప్రస్తుతం హెచ్4 వీసాలకు అనుమతి వచ్చిన తర్వాత విదేశీ మహిళలు వైద్యంతో పాటు అనేక రంగాల్లో కీలక పాత్ర పోషిస్తున్నారు. వీరిలో భారతీయుల సంఖ్య లక్షల్లో ఉంది. కరోనా సమయంలో వారి అవసరం చాలా ఉన్నప్పుడు ట్రంప్ ఇలాంటి నిర్ణయం తీసుకోవడం నిజంగా తీవ్రమైన విమర్శలకు గురి చేసింది. ఇటువంటి నిర్ణయాలే అతనిని అధ్యక్షుడి పదవి నుండి కిందకి దింపాయి అని చెప్పాలి.
ఇప్పుడు బైడెన్ తాజాగా ఆ నిర్ణయాన్ని వెనక్కి తీసుకున్నాడు. అధికారిక ప్రకటన త్వరలోనే వెలువడనుంది. దీంతో భారతీయులంతా ఒక్కసారిగా ఊరట చెందారు