Jr Ntr: జూనియర్ ఎన్టీఆర్ Jr Ntr కు మంచి ప్రజాదరణ ఉంది. ఎన్టీఆర్ మనవడిగా కెరీర్ తొలినాళ్లలో వచ్చిన గుర్తింపుకు తగ్గట్టుగా వరుస సంవత్సరాల్లో హిట్లు పడ్డాయి. స్టూడెంట్ నెంబర్ 1, ఆది, సింహాద్రి.. హిట్లు ఒకదానిమించి ఒకటి హిట్ అయి.. టాలీవుడ్ లో ఎన్టీఆర్ ను స్టార్ హీరోగా నిలిపాయి. ఎవరి కెరీర్లో అయినా ఫ్లాపులు సహజమే. అలానే ఎన్టీఆర్ ను కూడా పలకరించాయి. వాటిలో తొలినాళ్లలోనే ఆది తర్వాత వచ్చిన అల్లరి రాముడు ఒకటి. బి.గోపాల్ దర్శకత్వంలో పంచెకట్టుతో కుటుంబ ప్రేక్షకులే టార్గెట్ గా తెరకెక్కించారు. ఈ సినిమా అంచనాలు అందుకోవడంలో ఫెయిల్ అయింది. దీనికి కారణాన్ని తన పరుచూరి పలుకుల్లో వివరించారు పరుచూరి గోపాలకృష్ణ.
ఎన్టీఆర్ మనవడిగా జూనియర్ ఎన్టీఆర్ ను చినరామయ్యగా చూస్తూ మంచి ఫ్యామిలీ సబ్జెక్ట్ రాసుకుని ప్రగతి రిసార్ట్స్ లో ఎన్టీఆర్ ను కలిసి ఈ కథ వివరించాం. కథ నచ్చి.. ఒక్క మార్పు కూడా చేయకుండా సినిమా తీయాలని ఎన్టీఆర్ అన్నాడు. అయితే.. షూటింగ్ కు వెళ్లిన తర్వాత దర్శకత్వ టీమ్ సినిమా స్క్రిప్ట్ లో మార్పులు చేశారు. ఆ విషయం మాకు తెలీదు. కొన్ని కారణాలతో మేం షూటింగ్ లో లేకపోయేవాళ్లం. దీంతో అనుకున్నది ఒక్కటి.. సినిమాగా వచ్చింది ఒకటి అయిపోయింది. దీంతో ఎన్టీఆర్ క్రేజ్ తో సినిమా ఓపెనింగ్స్ వచ్చినా హిట్ కావాల్సిన సినిమా ఫెయిల్ అయిందని చెప్పుకొచ్చారు. నిజానికి హీరోకి మాస్ ఇమేజ్ తోపాటు ఫ్యామిలీ ఇమేజ్ కూడా తోడైతేనే కెరీర్ లాంగ్ రన్ ఉంటుంది.
Read More:NTR-Bharat Ratna: ఎన్టీఆర్ కు “భారతరత్న” డిమాండ్.. కుటుంబ డ్రామానా..? ఏటా ఇంతేనా..?
నందమూరి ఫ్యామిలీతో ఉన్న అనుబంధం దృష్ట్యా పరుచూరి సోదరులు ఈ ఫ్యామిలీ డ్రామా రాశారు. కానీ అనుకోకుండా జరిగిన మార్పులు సినిమా ఫలితాన్ని శాసించాయి. అయితే.. ఈ సినిమాతో ఎన్టీఆర్ మిస్ అయిన ఫ్యామిలీ ఇమేజ్ 2010లో వచ్చిన బృందావనం హిట్ తో దక్కిందని చెప్పాలి. ఊసరవెల్లి, రభస, రామయ్యా వస్తావయ్యా.. కూడా ఎన్టీఆర్ కు రాంగ్ డెసిషన్స్ నే మిగిల్చాయి. దమ్ము కథను పది కథలు విని సెలెక్ట్ చేసుకున్నా నిరాశపర్చింది. అటుపై 2015లో వచ్చిన టెంపర్ నుంచి ఎన్టీఆర్ వరుస హిట్స్ చూస్తున్నాడు. కథలను ఎంచుకునే విధానం మారడమే ఇందుకు కారణమని చెప్పాలి.
