Jr. NTR: దర్శక ధీరుడు రాజమౌళి బాహుబలి సినిమాతో ప్రపంచ వ్యాప్తంగా కొన్ని కోట్ల మంది అభిమానులను సంపాదించుకున్నారు. ఇదే తరహాలో ప్రస్తుతం రాజమౌళి యంగ్ టైగర్ ఎన్టీఆర్ మరియు మెగా పవర్ స్టార్ రామ్ చరణ్ లతో భారీ బడ్జెట్ తో ఆర్ఆర్ఆర్ సినిమాను తెరకెక్కిస్తున్న విషయం తెలిసిందే. ప్రస్తుతం ఈ సినిమా చిత్రీకరణ చివరిదశకు చేరుకుందనే చెప్పాలి. ఈ సినిమాలో రామ్ చరణ్ అల్లూరి సీతారామరాజు గా మరియు ఎన్టీఆర్ కొమురం భీం గా నటిస్తున్నట్లు సమాచారం. ఇప్పటికే విదుదల అయ్యిన టీజర్లు యూట్యూబ్ లో రికార్డులు సృష్టించాయి. ఈ సినిమా మీద అటు అభిమానులతో పాటుగా సాధారణ ప్రేక్షకుల అంచనాలు తారాస్థాయిలో ఉన్నాయి.
ఇక ఎప్పటి నుంచో సినీ ఇండస్ట్రీ లో ఉన్న ఎన్టీఆర్ మరియు రామ్ చరణ్ లు ఈ సినిమా తో మరింత దగ్గరయ్యారని తెలుస్తుంది. ఇటీవల రామ్ చరణ్ ఇచ్చిన ఓ ఐడియా ఎన్టీఆర్ కు బాగా నచ్చడంతో అది అమలు చేసే పనిలో ఉన్నాడట తారక్. ఇప్పటికే ఎన్టీఆర్ సినిమాలలోకి వచ్చి దాదాపుగా 20 ఏళ్ళు అవుతుంది.
తాజాగా రామ్ చరణ్ ఒక సొంత ప్రొడక్షన్ హౌస్ ని స్టార్ట్ చెయ్యమని ఎన్టీఆర్ కు ఐడియా ఇచ్చాడట. ఇప్పటికే తాను ప్రొడక్షన్ హౌస్ ని స్టార్ట్ చెయ్యడంతో అందులోని మెళకువలు తనకు తెలిసి ఉండడంతో ఎన్టీఆర్ కు సపోర్ట్ గా ఉంటానని రామ్ చరణ్ చెప్పినట్లు సమాచారం. రామ్ చరణ్ తన సొంత ప్రొడక్షన్ హౌస్ లో మెగా స్టార్ చిరంజీవి సినిమాలను నిర్మిస్తూ ఆనతికలలంలోనే ఓ నిర్మాతగా కూడా సక్సెస్ అయ్యాడు. ఇపుడు ఇదే బాటలో ఎన్టీఆర్ కూడా వెళ్లనున్నట్లు తెలుస్తుంది.
