విద్యార్థులు సాంకేతిక శాస్త్రవేత్తలుగా తమ పరిశోధనలు ప్రారంభించడానికి ఒక మంచి వేదిక కావాలా..? అందులో మంచి సౌకర్యాలు కూడా కావాలా ..? ఇప్పుడు నేషనల్ సెంటర్ ఫర్ రేడియో ఆస్ట్రో ఫిజిక్స్ – టాటా ఇనిస్టిట్యూట్ ఆఫ్ ఫండమెంటల్ రీసెర్చ్ ఆధ్వర్యంలో విద్యాసంస్థల్లో చేరడానికి నిర్వహించే జాతీయ స్థాయి పరీక్షే జాయింట్ ఎంట్రెన్స్ స్క్రీనింగ్ టెస్ట్(జస్ట్). ఇందులో అర్హత సాధిస్తే సంబంధిత సంస్థలలో పీహెచ్డీతో పాటు, స్టైఫండ్, ఉచితంగా వసతి కూడా కల్పిస్తారు.. పూర్తి వివరాలు ఇలా..
జస్ట్ లో ఉత్తీర్ణత సాధిస్తే సంబంధిత సంస్థలలో పీహెచ్డీ, ఇంటిగ్రేటెడ్ పీహెచ్డీ (ఫిజిక్స్), థిరియాటికల్ కంప్యూటర్ సైన్స్, న్యూరో సైన్స్, కంప్యూటేషనల్ బయాలజీలో ప్రవేశాలు పొందవచ్చు. కోర్సుల్లో చేరిన వారికి నెలకు రూ.12,000 చొప్పున రెండు ఏళ్ళు స్టైఫండ్ ఇస్తారు. తరవాత జెఆర్ఎఫ్ లో భాగంగా నెలకు రూ.31,000 చెల్లిస్తారు. ఎస్ఆర్ఎఫ్ లో రూ.35,000 చొప్పున ఇస్తారు. నేరుగా పీహెచ్డీ కోర్సుల్లో చేరిన వారికి మొదటి రెండేళ్లు రూ.31,000, ఆ తర్వాత రెండేళ్లు రూ.35,000 ఇస్తారు. వీటితో పాటు ఉచితంగా వసతి, హెచ్ఆర్ఎ కల్పిస్తారు.
పరీక్ష విధానం :
ఈ పరీక్షను ఆఫ్లైన్ విధానంలో నిర్వహిస్తారు. పరీక్ష సమయం 3గంటలు. మొత్తం 50 ప్రశ్నలకు ఉంటాయి . ప్రశ్నా పత్రంలో పార్ట్ -ఏ, బి, సి మూడు విభాగాలు ఉంటాయి. పార్ట్ఎ లో 15, పార్ట్ బిలో 10, పార్ట్ సి లో 25 ప్రశ్నలు ఇస్తారు. పార్ట్ ఎ,బి లలో సరైన సమాధానానికి 3 మార్కులు చొప్పున, పార్ట్ సిలో ఒక మార్కు చొప్పున మార్కులు కేటాయించారు.
దరఖాస్తు విధానం : ఆన్లైన్
దరఖాస్తు ఫీజు : ఎస్సీ, ఎస్టీ, మహిళలకు రూ.200, జనరల్ కేటగిరీ అభ్యర్థులకు రూ.400 చెల్లించాల్సి ఉంటుంది.
దరఖాస్తు ప్రారంభం తేదీ : 11/1/2021
చివరి తేదీ : 14/2/2021
పరీక్ష తేదీ : 11/4/2021.