కాలంతో పాటు మహిళలు మారుతున్నారు.. ఒకప్పుడు కార్ డ్రైవింగ్ చేయాలంటే వీళ్ల వల్ల ఏమౌతుంది అనేవారు.. ఇప్పుడు ఏకంగా విమానం, ట్రైన్ లనే నడిపేస్తున్నారు.. ఇటీవల ఓ యువతి ఏకంగా కలకత్తా రోడ్లపై పీ పీ.. అని హారన్ కొడుతూ బస్ డ్రైవింగ్ చేస్తుంది.. కలకత్తా వాసులే కాకుండా దేశం మొత్తం కల్పనను శభాష్ అంటుంది.. ఈ 21 ఏళ్ల కల్పనా మెండల్ అసలు బస్ డ్రైవింగ్ ఎందుకు చేస్తుందో ఓ సారి తెలుసుకుందాం..
జీవితం ఎప్పుడు ఎటు వెళుతుందో.. ఎవరు చెప్పలేం. అప్పటివరకు సుభాష్ మెండల్ ఓ ప్రైవేట్ బస్సు డ్రైవర్ గా జీవనం సాగిస్తున్నాడు. అనుకోకుండా ప్రమాదానికి గురై రెండు కాళ్లకు ఆపరేషన్ అయి మెటల్ ప్లేట్స్ వేశారు . కుటుంబం గడిచే పరిస్థితి లేక కల్పన తన కుటుంబాన్ని పోషించాలని నిర్ణయించుకుంది.దీంతో మానసికంగా కుంగిపోయిన తండ్రికి ధైర్యాన్ని అందించింది.
అతి చిన్న వయసు లోనే డ్రైవింగ్ నేర్చుకుని ముందు కాలనీలోని ట్రక్కులు నడిపేది. గోడౌన్ లకు లోడు చేర్చేది. మేజర్ అయిన తర్వాత లైసెన్స్ తీసుకొని బస్సు నడపడం నేర్చుకుంది. బాగా నేర్చుకున్న ప్పటికీ 34c మార్గంలో ఎస్ ప్లానేడ్ బరానగర్ బస్సు యజమాని కల్పనకు బస్సు ఇవ్వడానికి అంగీకరించలేదు. ఎందుకంటే అది చాలా రద్దీ రూట్. వాళ్ళు అంగీకరించే వరకు ప్రయత్నించి సాధించింది. అప్పుడు తిరస్కరించిన వాళ్ల బస్సు నే ఆమె ఇప్పుడు చాకచక్యంగా నడుపుతుంది. కుటుంబ అ శ్రేయస్సు కోసం తన భవిష్యత్తు త్యాగం చేసి నా తల్లి కల్పనా అంటూ కూతురు గొప్పతనం వివరించాడు సుభాష్.కనీసం పదో తరగతి కూడా భాస్కర్ కల్పన ఇప్పుడు ప్రైవేట్ గా చదువుకొని పదో తరగతి పరీక్షలు రాయాలనుకునే అప్పుడైతే ప్రభుత్వంలో డ్రైవర్ పోస్ట్ కోసం దరఖాస్తు చేసుకోవచ్చు అని ఆమె తండ్రికి నెరవేర్చాలని చెబుతోంది ఆమె. నిజంగా కల్పన నేటి అమ్మాయిలకే కాదు యువతకు కూడా ఆదర్శప్రాయం.