Kanana Ranaut: కంగనా రనౌత్ Kanana Ranaut బాలీవుడ్ ఫైర్ బ్రాండ్ అనే పేరు తెచ్చుకుంది. చేసే సినిమాలైనా, ట్విట్టర్ లో పోస్టులైనా, రాజకీయ నేతలపై తిరుగాబాటైనా ఆమెది ఒకటే పంధా. అందుకే ఫైర్ బ్రాండ్ అనే పేరు ఆమెకు పర్ఫెక్ట్ యాప్ట్. ఇప్పుడు ఆ ఫైర్ బ్రాండ్ టాలీవుడ్ గోల్డెన్ లెగ్ సమంతను ప్రశంసల్లో ముంచెత్తుతోంది. సమంత నటించిన వెబ్ సిరీస్ ‘ది ఫ్యామిలీ మ్యాన్ 2’ ట్రైలర్ ఇటివలే విడుదలైంది. ఈ ట్రైలర్ లో సమంత పాత్రకు విపరీతమైన రెస్పాన్స్ వస్తోంది. డీ గ్లామర్ లుక్ లో సూసైడ్ బాంబర్ గా సమంత తన పాత్రకు తగ్గట్టు ఒదిగిపోయిన తీరుకు సర్వత్రా ప్రశంసలు దక్కుతున్నాయి. ఈ లిస్టులో ఇప్పుడు కంగనా రనౌత్ చేరింది.
ఇన్ స్టా వేదికలో స్పందించిన కంగనా.. ‘దిస్ గర్ల్ హేస్ మై హార్ట్’ అని తన వాల్ పై రాసి సమంత లుక్ సంబంధించిన ‘ఐ విల్ కిల్ దెమ్‘ అని ఉన్న స్క్రీన్ షాట్ ను జత చేసింది. దీనిపై సమంత కూడా రిప్లై ఇస్తూ ‘థాంక్యూ’ అని రిప్లై ఇచ్చింది. ఆమధ్య రిలీజ్ అయిన కంగనా తలైవి టీజర్ లో కంగనా నటనను మెచ్చుకుంటూ సమంత ట్వీట్ చేసింది. ‘బ్రేవెస్ట్ యాక్టర్ ఆఫ్ అవర్ జనరేషన్’ అంటూ ఆమె నటనను కొనియాడింది. ఇప్పుడు మరోసారి వీరిరువురూ ఒకరిపైమరొకరు అభిమానాన్ని మరోసారి చాటుకున్నట్టైంది. ఏప్రిల్ కూడా సమంతను.. ‘ఎపిటోమ్ ఆఫ్ ఉమెన్ ఎంపవర్ మెంట్’ అంటూ పొగిడింది కంగనా.
ఇప్పటికే సమంత క్యారెక్టర్ కు వస్తున్న రెస్పాన్స్, ఫ్యామిలీ మేన్ వెబ్ సిరీస్ పై ఉన్న అంచనాలను రెట్టింపు చేసిందనే చెప్పాలి. ఈ పాత్ర పోషించేందుకు పెద్ద కసరత్తే చేసానని చెప్తోంది సమంత. దర్శకులు రాజ్, డీకే ఇద్దరూ ఈ పాత్రపై బాగా శ్రద్ధ పెట్టి డిజైన్ చేశారట. పాత్ర స్వభావాన్ని అర్ధం చేసుకునేందుకు సెట్లో ఇద్దరిలో ఎవరు అందుబాటులో ఉంటే వారి సలహాలు తీసుకుని నటించినట్టు చెప్పుకొచ్చింది. ఔట్ ఆఫ్ టాలీవుడ్ లో నటించాననే ఫీలింగ్ తనకు కలగలేదని చెప్పుకొచ్చింది. జూన్ 4న అమెజాన్ ప్రైమ్ లో ఈ వెబ్ సిరీస్ రిలీజ్ కానుంది.