ఎంత తిట్టుకున్నా, ఎంత కాంట్రవర్సీ అనుకున్నా బిగ్ బాస్ ను ఇగ్నోర్ చేయడం అనేది అసాధ్యం. గత మూడు సీజన్ల తర్వాత ఇప్పుడు నాలుగో సీజన్ ప్రారంభమైన విషయం తెల్సిందే. ఈసారి కంటెస్టెంట్ ల విషయంలో కొంత నెగటివిటీ ముందు ఉన్నా కానీ నెమ్మదిగా అలవాటు అవుతున్నారు. అందరు కంటెస్టెంట్ లలో కరాటే కళ్యాణి కొంత ప్రేక్షకులకు తెలుసు.
అయితే మొదటి వారం ఆమెను చూసిన వారెవరైనా కచ్చితంగా ఎలిమినేట్ అవుతుందనే అనుకున్నారు. కొంత ఇరిటేట్ చేయడం, ఇక్కడిదక్కడ, అక్కడిదిక్కడ మాట్లాడే లక్షణంతో కళ్యాణి నెగటివిటీ పెంచుకుంది. మొన్న శనివారం కూడా నాగ్ ఈ విషయంలోనే కళ్యాణి స్మూత్ గానే వార్నింగ్ ఇచ్చాడు. అయితే మొదటి వారం నామినేషన్స్ లో ఉండుంటే ఆమే కచ్చితంగా ఎలిమినేట్ అయ్యేది అనడంలో ఎటువంటి సందేహం లేదు. లక్కీగా ఆమె నామినేషన్స్ లో లేదు.
అయితే తన తప్పుల నుండి కళ్యాణి పాఠాలు నేర్చుకున్నట్లు అర్ధమవుతోంది కళ్యాణి ఆటతీరు చూస్తుంటే. తన నెగటివ్స్ ను కవర్ చేసుకుంటోంది. మొదటి వారం ఆటకు, రెండో వారం ఆటకు స్పష్టమైన తేడా ఆమెలో కనిపిస్తోంది. అందరితో సరదాగా కలిసిపోతోంది. అమ్మ రాజశేఖర్ తో కలిసి ఆమె చేసిన కామెడీ నిన్న అందరినీ నవ్వించింది. అలాగే తనపై అమ్మ రాజశేఖర్ ఎన్ని జోకులు వేస్తున్నా కానీ చాలా స్పోర్టివ్ గా తీసుకోవడం కూడా అందరికీ నచ్చుతోంది. నిన్న సీరియల్ స్కిట్ లో గయ్యాళి అత్తగా కళ్యాణి పెర్ఫార్మన్స్ చాలా ఆకట్టుకుంది. సెకండ్ వీక్ నామినేషన్స్ లో ఉన్న కళ్యాణి, మొదట ఎలిమినేట్ అవుతుంది అనుకున్నా ఈసారి గట్టి పోటీ ఇచ్చేలానే అనిపిస్తోంది. చూడాలి మరి ఏం జరుగుతుందో.